مۇحتار جاكىشيەۆتىڭ تۇرمەدەگى جاعدايىنىڭ ناشارلاۋىنا بايلانىستى دوسىم ساتپايەۆ ءوز پىكىرىن ءبىلدىردى دەپ جازادى Qamshy.kz اقپارات اگەنتتىگى.
"مۇحتار جاكىشيەۆتى مازاق قىلۋدى دوعارۋ كەرەك. ول شارتتى مەرزىمگە بوستالعان نەمەسە وتەماقى تولەپ تۇرمەگە وتىرماعان باسقا شەندى جەمقورلارعا قاراعاندا جازاسىن تولىق ءارى ۇزاعىراق وتەدى. ءتىپتى ەكسترەميزم جانە تەرروريزم بابى بويىنشا سوتتالعانداردىڭ ءوزى مەرزىمىنەن بۇرىن بوستاندىققا شىعىپ جاتىر.
ەگەر مۇحتار جاكىشيەۆ تۇرمەدە قايتىس بولسا كوپتەگەن پروبلەما تۋىندايتىنى بەلگىلى ءتىپتى بۇل پروبلەما جاكىشيەۆتىڭ تۇرمەدەن بوساۋىنان نەمەسە اۋرۋىنا بايلانىستى جاقسى جاعداي جاسالعان باسقا كولونياعا اۋىستىرىلۋىنان دا كوپ بولۋى مۇمكىن.
مۇحتار جاكىشيەۆتىڭ اناسى بيىلعى جىلدىڭ باسىندا ۇلىنىڭ دەنساۋلىعىنا الاڭداۋشىلىعىن ءبىلدىرىپ، ۇلىنا راقىمشىلىق جاساۋىن سۇراعان بولاتىن. ساياسي جۇمباقتى تۇسىنسەك تە، ءقازىر دەنساۋلىعى ءۇشىن كۇرەسىپ جاتقان ازامات وزگەلەرگە قانداي زيانىن تيگىزۋى مۇمكىن؟"، دەيدى دوسىم ساتپايەۆ.
