مەملەكەت باسشىسى قۇربان ايت كۇللى مۇسىلمان قاۋىمىن بەيبىتشىلىك پەن تاتۋلىققا، ءوزارا تۇسىنىستىككە شاقىراتىن قاسيەتتى مەيرام ەكەنىن اتاپ ءوتتى دەپ جازادى Qamshy.kz اقپارات اگەنتتىگى.
"قۇرمەتتى وتانداستار! بارشاڭىزدى قاستەرلى قۇربان ايت مەرەكەسىمەن شىن جۇرەكتەن قۇتتىقتايمىن! قۇربان ايت – يسلامدى جاقسىلىقتىڭ، جاسامپازدىق پەن ۇيلەسىمدىكتىڭ ءدىنى ەكەنىن پاش ەتىپ، كۇللى مۇسىلمان قاۋىمىن بەيبىتشىلىك پەن تاتۋلىققا، ءوزارا تۇسىنىستىككە شاقىراتىن قاسيەتتى مەيرام. سونداي-اق، ول – ءدىني مەرەكە عانا ەمەس، بارشا ادامزاتتى بىر-بىرىنە كومەك قولىن سوزۋعا ۇندەپ، باۋىرمالدىققا باۋليتىن ۇلكەن رۋحاني قۇندىلىق"، — دەدى مەملەكەت باسشىسى.
نۇرسۇلتان نازاربايەۆ اتاپ وتكەندەي، بۇل كۇندەرى ادامدار جاقىندارىنا اق تىلەكتەرىن ارناپ، يگى ىستەر جاساۋعا ۇمتىلادى. قۇربان ايت الۋان ءتۇرلى كونفەسسيالار مەن ەتنوس وكىلدەرى تۇراتىن قازاقستاندا ازاماتتاردىڭ بويىنا ىزگىلىك ءنارىن سەۋىپ، ولاردىڭ ۇستاناتىن ءدىنى مەن ۇلتىنا قاراماستان، ءبىر-بىرىن قادىرلەي بىلۋگە زور ىقپال ەتەدى. سونداي-اق، رۋحاني تۇتاستىعىمىزدى نىعايتىپ، بىرلىگىمىزدى بەكىتە تۇسەدى.
تامىز ايىندا قازاقستاندىقتار ون كۇن دەمالادى
"وسىناۋ جارقىن مەرەكەدە ءاربىر شاڭىراققا باقىت، بەيبىت ءومىر مەن بەرەكە-بىرلىك تىلەيمىن! قاسيەتتى مەيرامدا شالعان قۇرباندىقتارىڭىز بەن ىزگى نيەتتەرىڭىز ساۋاپتان جازىلسىن! ايت قابىل بولسىن!"، — دەپ تۇيىندەگەن ەلباسى.
