قۇرمەتتى مۇسىلمان قاۋىمى!
ءقادىرلى وتانداستار!
ەلىمىزدىڭ مۇسىلماندارىن جانە بارشا قازاقستاندىقتاردى يسلام ءدىنىنىڭ ايتۋلى مەرەكەسى بولىپ سانالاتىن قۇربان ايت مەيرامىمەن شىن جۇرەكتەن قۇتتىقتاۋعا قۋانىشتىمىن.
قۇربان ايت – ىزگىلىك پەن مەيىرىمدىلىكتىڭ، جاقسىلىق پەن قايىرىمدىلىقتىڭ مەيرامى.
بۇگىنگى مەرەكە مادەنيەتىمىزبەن، ۇلتتىق سالت-داستۇرىمىزبەن ەتەنە قايناسقان ءتول ءدىنىمىزدىڭ كەمەل ءبىر نىشانى بولىپ تابىلادى.
وسى مەرەكەدە مۇسىلمان قاۋىمى كومەككە مۇقتاج جاندارعا قول ۇشىن بەرىپ، قوعامداعى گۋمانيستىك قۇندىلىقتاردى بارىنشا نىعايتۋعا بەلسەندى اتسالىسادى.
ءداستۇرلى ءدىنىمىزدىڭ وسىنداي جاسامپاز الەۋەتى رۋحاني-ادامگەرشىلىك قۇندىلىقتاردى جان-جاقتى دامىتۋعا، قوعامداعى ۇلتارالىق تاتۋلىق پەن كونفەسسياارالىق كەلىسىمدى نىعايتۋعا قىزمەت ەتەدى.
بارشالارىڭىزعا زور دەنساۋلىق، قۇت-بەرەكە جانە اماندىق تىلەيمىن!
قۇربان ايت مەرەكەسى قۇتتى بولسىن.
