ەۋروپادا تەڭىزدە سۋعا باتىپ كەتكەن قازاقستاندىق تانات سماعۇلوۆتىڭ تۋىستارىنىڭ ايتۋىنشا، 14 ادام سۋعا باتىپ كەتكەن. قازاقستاندىق جىگىت ولادى قۇتقارماق بولىپ، ەكى ەرەسەك پەن ءبىر بالانى امان الىپ قالعان. ءبىراق ءتورتىنشى ادامدى قۇتقارماق بولعان كەزدە قازاقستاندىق جىگىت ءوزى سۋعا باتىپ كەتكەن، - دەپ حابارلايدى Tengrinews.kz.

"ول وتە اقكوڭىل، مەيىرىمدى ادام ەدى، كەز كەلگەن ادامعا كومەكتەسۋگە دايىن تۇراتىن. ۇنەمى بارلىعىنا كومەكتەسىپ جۇرەتىن. چەرنوگورياعا ول دوستارىمەن كەتكەن بولاتىن - ءتورت ادام. دوستارىنىڭ ايتۋىنشا، سول كۇنى 16 تامىزدا تۋريستەرگە بوران بولاتىنى جايلى ەسكەرتىلگەن"، -  دەيدى مەرت بولعان قازاقستاندىقتىڭ تۋعان باۋىرى قازىبەك سماعۇلوۆ.

قازبەكتىڭ ايتۋىنشا، باۋىرى كىشكەنتاي كەزىنەن باستاپ سپورتپەن اينالىسقان، سالاۋاتتى ءومىر سالتىن ۇستانعان. جاقسى جۇزە العان.

 "14 ادام سۋعا باتىپ كەتكەن. بىزگە سولاي ايتتى. ولار ەسكەرتۋلەرگە ءمان بەرمەي، سۋعا كىرىپ كەتكەن. تانات بولسا بارلىعىن قۇتقارۋ ءۇشىن سەكىرگەن. ونىڭ ەكى ەرەسەك ادام مەن ءۇشىنشى بالانى قۇتقارىپ قالعانىن بىلەمىز"، - دەيدى قازىبەك.

ونىڭ ايتۋىنشا، تاناتتىڭ دەنەسى 21 تامىزدا تاڭعى ۋاقىتتا جىبەرىلەدى. كەيىنىرەك جاقىندارى دەنەنى تۋعان اۋىلى امانگەلدىگە جەتكىزەدى ەكەن. ونىمەن بىرگە چەرنوگورياعا كەتكەن دوستارى قازاقستانعا كەلدى. قازىرگى ۋاقىتتا ولار قايتىس بولعان جىگىتتىڭ تۋىستارىنا قولداۋ كورسەتۋ ءۇشىن اۋىلعا كەتتى.

ەسكە سالا كەتەيىك، وسىعان دەيىن چەرنوگوريادا قازاقستاندىقتىڭ سۋعا باتىپ بارا جاتقان ەكى ايەلدى قۇتقارامىن دەپ مەرت بولعانى جايلى حابارلانعان بولاتىن. قايعىلى جاعداي 16 تامىزدا بولعان.