ايتا كەتەيىك، جۇمىسىنان شەتتەتىلۋ – بۇل بوساتۋ ەمەس. قازىرگى تاڭدا قىزمەتتىك تەرگەۋ جۇرگىزىلۋدە، قورىتىندىسى بويىنشا تۇبەگەيلى شەشىم شىعارىلادى دەپ حابارلايدى Qamshy.kz اقپارات اگەنتتىگى استانا قالاسى اكىمدىگىنىڭ رەسمي ينتەرنەت-رەسۋرسىنا سىلتەمە جاساي وتىرىپ. 

اۋا رايىنىڭ قولايسىزدىعىنا بايلانىستى قالا بيلىگى 20 تامىز كۇنى قاۋىپسىزدىكتى قامتاماسىز ەتۋ بويىنشا شارالار قابىلدادى، ءبىراق بارلىق تۇرعىندار ايتىلعان ەرەجەنى ساقتاي بەرمەيدى. 

«استانا LRT» ج ش س مالىمەتى بويىنشا قالا كوشەلەرىندەگى كولكىگەن سۋ مەن ساقتاندىرىلعان بەلگىلەرگە قاراماعان قوعامدىق كولىكتىڭ جۇرگىزۋشىسى جۇمىسىنان شەتتەتىلدى. جۇرگىزۋشىنىڭ ارەكەتى جولاۋشىلاردىڭ ءومىرىن قاۋىپكە تىگىپ، قامتاماسىز ەتپەگەن جانە دە اۆتوبۋستىڭ بۇزىلۋىنا اكەپ سوعۋى مۇمكىن ەدى. 

ايتا كەتەيىك، جۇمىسىنان شەتتەتۋ – بۇل بوساتۋ ەمەس. قازىرگى تاڭدا قىزمەتتىك تەرگەۋ جۇرگىزىلۋدە، قورىتىندىسى بويىنشا تۇبەگەيلى شەشىم شىعارىلادى. 

20 تامىز كۇنى قۇيىپ جاۋعان نوسەردىڭ سالدارىنان ب. مومىش ۇلى داڭعىلى مەن توقپانوۆ كوشەسىندە سۋ تاسقىنى بولۋىنا بايلانىستى «استانا LRT» قىزمەتكەرلەرى كوپ كۇتتىرمەستەن، اتالعان ۋچاسكەدەن وتەتىن مارشرۋتتاردىڭ قوزعالىس سحەماسىن وزگەرتىپ، بارلىق جۇرگىزۋشىلەردى تەگىس قۇلاقتاندىرعان بولاتىن. 

  «استانا LRT» ج ش س ءاربىر شىعۋ الدىندا جۇرگىزۋشىلەرگە نۇسقاۋلىق وتكىزەدى، وندا جولاۋشىلاردى تاسىمالداۋدىڭ قاۋىپسىزدىك تەحنيكالارى تۋرالى ايتىلادى. 

جۇرگىزۋشىلەر رۋلگە وتىرعاننان كەيىن جولاۋشىلاردىڭ ءومىرىن ءوز جاۋاپكەرشىلىگىنە الادى، ونداي جەردە قاۋىپسىزدىك ءبىرىنشى ورىندا تۇرۋى ءتيىس. ماسەلەن، جاۋىن جاۋىپ تۇرعان كەزدە ساقتىقتى كۇشەيتە ءتۇسۋ قاجەت: ونداي كەزدە كورۋ ناشارلاي تۇسەدى، جول بەتى تايعاناق ءارى جينالىپ قالعان سۋدىڭ استىندا نە بارىن كورۋ مۇمكىن ەمەس (شۇڭقىر، تومپەشىكتەر، تاس جاتسا ءجۇرۋ كەزىندە قايعىلى وقيعاعا اكەپ سوقتىرۋى مۇمكىن). 

قاۋىپسىزدىك شارالارىنىڭ ماڭىزدى ەكەنىن تۇسىنە وتىرىپ، بارلىق اۆتوبۋس جۇرگىزۋشىلەرى تالاپ ەتىلگەن ەرەجەنى مۇلتىكسىز ورىنداۋى ءتيىس، سونداي-اق جولاۋشىلاردىڭ ءومىرى مەن دەنساۋلىعىن ءوز جاۋاپكەرشىلىگىنە الادى. 

اتالعان جاعدايدا تاسىمالداۋ ەرەجەسىنىڭ بارىنا قاراماستان قاۋىپسىزدىك تالاپتارىن ساقتاماعان جانە پوليسەيلەردىڭ ءجون سىلتەگەنىنە قاراماعان جۇرگىزۋشى قابىلدانعان شارانى تولىقتاي ەلەمەگەن، ءسويتىپ جولاۋشىلارعا ءقاۋىپ ءتوندىرىپ، قولايسىزدىق اكەلگەن. 

جازىلعان بەينەدىبىسقا قاراپ وتىرىپ، وندا جۇرگىزۋشىنىڭ ارەكەتىنە جولاۋشىلار اراسىندا ايقاي-شۋ شىعىپ، كەيبىرى قورقىپ، نارازىلىق بىلدىرگەنىن بايقاۋعا بولادى. 

ەستەرىڭىزگە سالا كەتەيىك، دۇيسەنبى 20 تامىز كۇنى الەۋمەتتىك جەلىلەر مەن مەسسەندجدەردە سالونىنا سۋ تولىپ كەتكەن اۆتوبۋستىڭ باتقانىنا قاراماستان جۇرگىزۋدى توقتاتپاعان ۆيدەوسى تاراپ كەتكەن بولاتىن.