پاۆلودار وبلىسى مادەنيەت باسقارماسىنىڭ باسشىسى ارداق رايىمبەكوۆ وتىرعان كولىك 26 تامىزدان 27-سىنە قاراعان ءتۇنى ومسك-مايقاپشاعاي تاس جولىندا جۇك كولىگىمەن سوقتىعىستى. سالدارىنان رايىمبەكوۆ ايەلى جانە ءۇش جاسار بالاسىمەن قوسا قايتىس بولدى. ءارى كولىكتە وتىرعان 53 جاستاعى ايەل ادام دا ومىردەن وزدى.

پاۆلودار وبلىسى ءىىد حابارلاۋىنشا، BMW جەڭىل اۆتو كولىگىنىڭ تىزگىنىندە ارداق رايىمبەكوۆتىڭ ءوزى بولعان.

دەرەككوزگە سۇيەنسەك، جول كولىك وقيعاسى ورىنىنان ءتۇرلى جاراقاتتارمەن 57 جاستاعى ەر ادام مەن 27 جاستاعى ايەل ادام ەمحاناعا جەتكىزىلدى.

ال HOWO جۇك كولىگىنىڭ جۇرگىزۋشىسى ۇستالدى، ءقازىر ۋاقىتشا تەرگەۋ يزولياتورىندا.

قازىرگى ۋاقىتتا «ەكى نەمەسە ودان دا كوپ ادامداردىڭ ولۋىنە سەبەپشى بولاتىن جول اپاتىن تۋدىرۋ» بابىنا سايكەس قىلمىستىق ءىس قوزعالدى.

جول اپاتىنا سەبەپشى جۇرگىزۋشى 10 جىلعا دەيىن باس بوستاندىعىنان ايىرىلۋى مۇمكىن.

پاۆلودار وبلىسى مادەنيەت، ارحيۆتەر جانە قۇجاتتاما باسقارماسىنىڭ باسشىسى ارداق رايىبەكوۆ نەبارى 37 جاستا بولعان. وبلىس اكىمنىڭ باسپا ءسوز قىزمەتى ارداق رايىمبەكتىڭ دەمالىستا بولعانىن جەتكىزدى. جەدەل-جاردەم قىزمەتىنىڭ مالىمدەۋىنشە، شاقىرۋ تۇنگى 00:14-تە كەلىپ تۇسكەن.