ساراپشى ەربول ەدىلوۆ ءوزىنىڭ YEDILOV ONLINE تەلەگرام-ارناسىندا قازاقستان بيلىگىندەگى اۋىس-تۇيىستەرگە بولجام جاسادى.

«كەي دەرەككوزدەردىڭ اقپاراتتارىنا سەنسەك، جۋىق ارادا جوعارعى بيلىك ەشەلوندارىندا ۇلكەن اۋىس-تۇيىستەر ورىن الماق. بۇل جولى استانانىڭ سول جاعالاۋىنداعى ماڭىزدى تۇلعالار ورنىنا قوزعالايىن دەپ تۇر. وزگەرىستەر ۇكىمەتتە عانا ەمەس، پرەزيدەنت اكىمشىلىگى، قاۋىپسىزدىك كەڭەسى، ۇلتتىق قاۋىپسىزدىك كوميتەتى، سونىمەن قاتار اكىمدەر كورپۋسىنا دا قاتىستى»، - دەپ جازدى ەدىلوۆ.

بۇعان قوسا ساراپشى كىم كەلىپ، كىم كەتەتىنىن دە بولجاپ كوردى.

«ەلدىڭ باتىس وڭىرىندە ترانسپورتتىق الەۋەتىن ارتتىرۋ ءۇشىن ايماقتىڭ باسشىسى رەتىندە بۇگىنگى ينۆەستيسيا جانە دامۋ ءمينيسترى جەڭىس قاسىمبەكتى جىبەرۋى مۇمكىن. سونىمەن قاتار ينۆەستيسيا جانە دامۋ مينيسترلىگىن كولىك جانە ونەركاسىپ مينيسترلىگىنە بولۋگە تۋرا كەلەدى.

ەلباسىنىڭ اتىراۋداعى پوليسيا جونىندە ايتقانىنان ىشكى ىستەر ءمينيسترى قالمۇحامبەت قاسىموۆ لاۋازىمىنان بوساتىلادى. بۇل لاۋازىمدا مينيستر 7 جىل 4 اي وتىر.

قارجى مينيسترلىگى دە ۇلكەن وزگەرىستەرگە تاپ بولۋى مۇمكىن. مينيستر باقىت سۇلتانوۆ قىزمەتىنەن بوساتىلادى.

دەرەككوزدەرگە سۇيەنسەك، جۋىردا عانا استاناعا كەلىپ كەتكەن يمانعالي تاسماعامبەتوۆ ەلگە قايتىپ، ۇلكەن لاۋازىمعا تاعايىندالۋى ابدەن مۇمكىن. ەكس-پرەمەر-مينيستر سەرىك احمەتوۆكە كۆازي مەملەكەتتىك سەكتوردان ءبىر ورىن بۇيىرادى»، - دەپ جازدى ول.