14 جاستاعى سپورتشى قىرعىزستاننىڭ توكموك قالاسىندا كيكبوكسينگتەن ءوتىپ جاتقان جارىستا قايتىس بولدى دەپ حابارلايدى Turmush.
سايىس 17-19 تامىز ارالىعىندا ءوتتى. سپورتشى رينگكە وش وبلىسىنىڭ اتىنان شىققان. ونىڭ قارسىلاسى دا 14 جاستا بولعان.
كۋاگەرلەردىڭ ايتۋىنشا، ءبىرىنشى راۋندتىڭ باسىندا كيكبوكسەرلەر بىر-بىرىنە قاتتى سوققى جاسامادى.
«سپورتشى كەزەكتى سوققىدان كەيىن شەتكە قاراي ىعىستى دا قۇلاپ قالدى. دارىگەرلەر بالاعا دەرەۋ مەديسينالىق كومەك كورسەتتى. ءبىراق بالا ەسىن جيمادى. وسىدان كەيىن جەدەل جاردەم شاقىرىلدى. الايدا جەدەل جاردەم كەشىككەندىكتەن، باسقا كولىكپەن اۋرۋحاناعا جەتكىزىلدى. قاتتى سوققى الماعاندىقتان بالانىڭ قايتىس بولىپ كەتكەنىنە قاتتى تاڭعالدىق» دەيدى سايىسقا كەلگەن كورەرمەندەردىڭ ءبىرى.
توكموك قالالىق سپورت مەكتەبىنىڭ ديرەكتورى كۋبان يدينوۆتىڭ ايتۋىنشا، بالانىڭ باسىن قاراعاندا ونىڭ بۇعان دەيىن جاراقات العانى انىقتالعان.
«حالىقارالىق تۋرنيرگە سپورتشىلار رەسپۋبليكانىڭ بارلىق وبلىسىنان كەلدى. بارلىعى تالاپقا ساي بولدى. ساراپشىلار بالانىڭ باسىندا تۋرنيرگە دەيىن جاراقاتى بولعانىن انىقتادى. بالانىڭ دەنەسىن اكەسى الىپ كەتتى» دەيدى يدينوۆ.
جەتكىنشەككە قاتىستى قاجەتتى سوت-مەديسينالىق ساراپتاما جۇرگىزىلەدى. ءقازىر تەكسەرۋ جۇمىستارى جۇرگىزىلىپ جاتىر.
