قازاقستان مادەنيەت جانە سپورت ءمينيسترى ارىستانبەك مۇحامەدي ۇلى قىرعىزستانداعى دۇنيەجۇزىلىك كوشپەندىلەر ويىندارىندا قازاقستان كوكپار كومانداسىنىڭ اينالاسىنداعى داۋ نەدەن شىققانىن ءتۇسىندىردى دەپ حابارلايدى Qamshy.kz اقپارات اگەنتتىگى sputniknews.kz سايتىنا سىلتەمە جاساپ. 

ءمينيستردىڭ ايتۋىنشا، قازاق كوكپارشىلارى ءبىرىنشى ويىنعا باق-تا جازىلعانداي، اتتىڭ بولماۋىنان قاتىسپاعان جوق. قازاقستان قۇراماسىنىڭ ويىنعا شىقپاي قالۋىنا ەرەجەگە كەلىسپەۋشىلىك سەبەپ بولعان. حالىقارالىق ەرەجەلەرگە سايكەس، كوكپار شەڭبەردە وينالادى، ءبىراق قىرعىزستانداعى كوشپەندىلەر ويىندارىندا فورماتى وزگەرتىلىپ، شەڭبەردىڭ ورنىنا قازاندىق ورناتىلىپتى. 

"مەن ويىنداردىڭ اشىلۋىندا بولدىم، ءبىز حالىقارالىق ەرەجەلەر ساقتالۋى كەرەكتىگىن ءتۇسىندىرۋ ءۇشىن جاۋاپتى ادامداردى شاقىردىق. كوكپاردان الەم چەمپيوناتى بولعان كەزدە، بيىك قازاندىقتىڭ ورنىنا شەڭبەر قولداندىق. وتكەن جىلى قازاندىق تۇرعان كەزدە، ءبىزدىڭ سپورتشىلار اۋىر جاراقات الدى، بۇكىل الەم شەڭبەرگە كوشتى. سول ءۇشىن ءبىز نارازىلىق بىلدىردىك"، — دەپ ءتۇسىندىردى مۇحامەدي ۇلى.