ءار انا ءوزىنىڭ ۇلىن ارتىق كورەدى. اسىرا باعالايدى. ءبىراق وزىنە جۇرەگىن اشىپ تۇرعان جاقسىنىڭ ءقادىرىن بىلمەي، جاماندىققا باراتىنى نەسى؟ ۇلىن ارتىق كورەم دەپ ءجۇرىپ كەلىنىنىڭ جانىن جارالاپ، ءوز بالاسىنىڭ باسىنداعى باعىن ۇركىتەتىنى قالاي؟..
"وتىڭدى وشىرمە" تەلەحيكاياسى ءا دەگەننەن وسىنداي وي تۋدىرعان ەدى.
سوسىن كەشەگى ءۇشىنشى بولىمنەن تەلەحيكايانىڭ وقيعالارى شيەلەنىسە باستاعانىن بايقادىق.
ءبىر سەنىمسىز شىققان جەرى - ادەمى، اقىلدى، يبالى كەلىن پەريزاتتىڭ ەنەسىنىڭ ءوزىن "سىرتقا تەۋىپ"، جاقتىرماي جۇرگەنىن، ونىڭ سالقىن قاباعىن قالاي سەزبەيدى؟
نەگىزى ادام اينالاسىنداعىلاردىڭ وزىنە دەگەن ىقىلاسىن قالاي دا سەزەدى عوي. سۋىق ىزعار، جالعان پەيىل سەزىمتال ادامنىڭ جانى مەن جۇرەگىن قاريدى. ول ءتىپتى تۋ سىرتىندا وزىنە قانداي "ۇكىم شىعارىلىپ" جاتقانىن سەزىنەدى. جاقىندارى اراسىندا، ءوز ماڭىندا بولىپ جاتقان ءاربىر كەلەڭسىز نارسە سەزىمتال ادامنىڭ جۇرەگىن تىنىشسىزداندىرادى ەمەس پە...
ءبىراق مەن ءوز باسىم ورازكۇل اسانعازى قىزىنىڭ ءومىرى جايلى جازعاندا كەيدە جاماندىقتى ەلەمەۋ ارقىلى، بايقاماۋ ارقىلى جەڭۋگە بولاتىنىنا كوز جەتكىزگەم. كۇلاش احمەتوۆانىڭ ءومىر جولىنا قاراپ تا وسىعان ۇقساس وي تۇيگەن ەدىم. قانداي دا ءبىر جاماندىق پەن قاسىرەتتەن امان الىپ قالۋ ءۇشىن قۇداي اقىندارعا قيال اتتى قانات بەرەتىنىن، سول قاناتپەن ولار كوككە كوتەرىلىپ، جەردەگى كەيبىر الاساپىران وقيعالاردان جانى مەن جۇرەگىن جارالاماي ساقتاپ قالا الاتىنىن تۇيسىنگەندەي بولعام.
بالكىم، پەريزات تا ءسويتىپ جۇرگەن شىعار...
ءبىراق ونى الدا ءالى قانداي تاعدىر كۇتىپ تۇرعانىن ءبىز بىلمەيمىز... ءالى 17 ءبولىمى بار.
نە دە بولسا قايشىلىققا تولى حيكايا ەكەن. وي سالماي قويمايدى.
ءنازيرا بايىربەكتىڭ فەيسبۋك پاراقشاسىنان
