"بۇل ناعىز يمپروۆيزاسيا بولدى. ازيادا چەمپيوندارىن ماراپاتتاۋ ءراسىمىنىڭ اشىلۋىندا Atameken TV جۋرناليستەرى تىكەلەي ەفيردە ءانۇران ايتتى. تىكەلەي ەفيردىڭ ارتىقشىلىعى سول - ەش فالش بولمايدى" دەپ جازادى ەربولات مۇحامەدجان ءوزىنىڭ فەيسبۋك پاراقشاسىندا. قولىن كەۋدەسىنە قويىپ، ءانۇراندى ايتا باستاعان جۋرناليست ءانۋار كاربوزوۆ بولىپ شىقتى. ال قولىنداعى قالامىن لاقتارىپ تاستاپ، ارىپتەسىن قولداي كەتكەن جۇرگىزۋشى تالعات ءۋالي ەكەن. جىلى ءجۇزدى جۋرناليستەردىڭ پاتريوتتىعى تىكەلەي ەفيردى تاماشالاپ وتىرعان كورەرمەن قاۋىمدى ءتانتى ەتىپ قانا قويماي، كوپ وي سالعانى انىق. سەبەبى ەلىن، جەرىن سۇيگەن ازامات مەملەكەتتىك رامىزدەرگە بەيجاي قاراماسى انىق. كوك بايراعىمىزعا قوقىس سۇيرەگەن، ءانۇران شىرقالعاندا جۇرەگى تۋلامايتىن، قىسقاسى بىلق ەتپەيتىن، ەلتاڭباعا قاراعاندا بويىن ماقتانىش سەزىمى بيلەمەيتىن تۇرعىندارعا اتالمىش وقيعا ۇلگى بولسىن دەگىمىز كەلەدى.
