كەشە ورال قالاسىنان 125 شاقىرىم قاشىقتىقتا ورنالاسقان چاپايەۆ اۋىلىندا پوليسيا قىزمەتكەرى ۆزۆود كومانديرىن اتىپ ءولتىردى. وقيعا ءاىىب-نىڭ اۋلاسىندا بولعان. قازا تاپقان كوماندير 29، كۇدىكتى 24 جاستا. كوماندير دارىگەرلەر كەلگەنشە تىلگە كەلمەي كوز جۇمدى.  وسىعان قاتىستى Qamshy.kz اقپارات اگەنتتىگى ءىىم وكىلىنە حابارلاستى. 

"باتىس قازاقستان وبلىسى اقجايىق اۋدانى مامانداندىرىلعان كۇزەت قىزمەتى باسقارماسى باتالون كومانديرىنىڭ قازاسى بويىنشا ءقازىر ارنايى كوميسسيا جۇمىس ىستەپ جاتىر. بۇل كوميسسيا قازاقستان رەسپۋبليكاسى ىشكى ىستەر مينيسترلىگى وزىندىك قاۋىپسىزدىك دەپارتامەنتى جانە اكىمشىلىك پوليسيا كوميتەتى قىزمەتكەرلەرىنەن قۇرالعان.
قازىرگى ۋاقىتتا كۇدىكتى كىناسىن موينىنا الدى. الدىن الا جيناقتالعان مالىمەتتەرگە قاراعاندا، قىلمىس جەكە كەلىسپەۋشىلىكتەر سالدارىنان ورىن العان. قىلمىستىق ءىس ىشكى ىستەر مينيسترلىگىنىڭ باقىلاۋىندا."، - دەپ پىكىر ءبىلدىردى الماس سادۋبايەۆ.