6 قىركۇيەك كۇنى الماتى قالاسىندا «31 ارنانىڭ» جاڭا تەلەماۋسىمىنىڭ تۇساۋكەسەرى ءوتتى. ح مەرەيتويلىق «دوستار كلۋبى» كەشىندە «31 ارنا» جىلداعى داستۇردەن جاڭىلماي، ءوزى وندىرگەن بىرەگەي جوبالارىن كوپشىلىككە تانىستىردى. جاڭا ماۋسىمنىڭ تۇساۋكەسەرىنە «31 ارنانى» قولداپ قوعام قايراتكەرلەرى، ارنا سەرىكتەستەرى، ءبىر سالاداعى ارىپتەستەر جانە قازاقستاندىق شوۋ-بيزنەس وكىلدەرى كەلدىدەپ جازادى Qamshy.kz اقپارات اگەنتتىگى. 

«31 ارنانىڭ» باس ديرەكتورى باعدات قوجاحمەتوۆتىڭ ايتۋىنشا، ارنانىڭ جاڭا ماۋسىمى كورەرمەندى سۋ جاڭا پرەمەرالارمەن جانە ءتول تەلەجوبالارمەن قۋانتۋدى ماقسات تۇتىپ وتىر.

«ەرەكشە ماقتانىشپەن اتاپ وتكىم كەلەتىنى، ءبىزدىڭ كوماندا بىلتىر ءبىر جىل بويى قول قۋسىرىپ وتىرعان جوق. وعان ءوزىمىزدىڭ ءتول ونىمدەرىمىزدەن تۇراتىن جاڭا باعدارلامالار تىزبەگى كۋا.  جاڭا جوبالار جاساعان سايىن كورەرمەندەرىمىزدىڭ ەرەكشە ءىلتيپاتىنا بولەنىپ، جۇرەكتەرىنە جول تابامىز. ولاي دەيتىنىم، «31 ارنا»، ەڭ الدىمەن، وتباسىلىق تەلەارنا. ءبىزدىڭ ارنادان اركىم وزىنە كەرەگىن تابادى»، - دەدى «31 ارنانىڭ» باس ديرەكتورى باعدات قوجاحمەتوۆ.

ارنانىڭ پروديۋسەرلەرى «I’m a Singer Kazakhstan» شوۋىنىڭ ەكىنشى ماۋسىمى، «بiرەۋدiڭ ايەلi» (وبمەن جەنامي)، «مەنىڭ ءستيلىم» (موي ستيل) جانە جىلدىڭ ۇزدىك شىتىرمان سيتكومى «كورگەن سىزدەر» سياقتى جوبالارعا ەرەكشە ەكپىن جاساعان.

9 قىركۇيەك كۇنى «31 ارنا» جىلدىڭ ۇزدىك مۋزىكالىق تەلەجوباسى - «I’m a singer Kazakhstan» شوۋىنىڭ ەكىنشى كەزەڭىن ەفيرگە شىعارادى. بيىلعى ماۋسىمى بۇرىنعىدان دا جارقىن، بۇرىنعىدان دا تارتىستى بولادى دەپ ويلايمىز. سەبەبى، پروديۋسەرلەر شوۋدىڭ فورماتىن تۇبەگەيلى الماستىرىپ، بايقاۋ مەن كورەرمەننىڭ داۋىس بەرۋ كونسەپسياسىنا وزگەرىس ەنگىزدى. ال ءسىز، قىمباتتى كورەرمەن، زاماناۋي مۋزىكا ونەرىنىڭ جارقىن قۇبىلىسىن ءوز كوزىڭىزبەن كورۋ باقىتىنا يەسىز. بۇل شوۋدا ءتۇرلى جانرداعى كومپوزيسيالار شىرقالادى. ونىڭ ىشىندە رومانستار مەن حالىق اندەرىنەن باستاپ، روك-كاۆەرلەردىڭ حيتتەرى مەن الەمگە ايگىلى اندەرگە دەيىن بار.

 بيىل «31 ارنانىڭ» سايتىنا 4000-نان استام ءوتىنىش كەلىپ ءتۇستى. ولاردىڭ ىشىندە رەسەيدىڭ، ۋكراينانىڭ، قىرعىزستاننىڭ، ءازىربايجاننىڭ، يراننىڭ، ارمەنيانىڭ، بەلورۋس ەلىنىڭ ورىنداۋشىلارى بولدى.

جاڭا ماۋسىمنىڭ باستى تۇساۋكەسەرى «كورگەن سىزدەر» دەپ اتالاتىن كومەديالىق تەلەحيكايا. جوبانىڭ ەرەكشەلىگى – وعان كورەرمەندەر ونلاين-داۋىس بەرەدى. سول ارقىلى ولار تەلەحيكايانىڭ اپتاداعى سوڭعى ءبولىمىن وزدەرى شەشۋ قۇقىنا يە بولادى. 

«31 ارنا» بيىل كۇزدە، سونىمەن بىرگە، «بىرەۋدىڭ ايەلى» (وبمەن جەنامي) دەپ اتالاتىن جاڭا جوبانى ەفيرگە شىعارماقشى. كورەرمەندەر بۇل جوبا ارقىلى ەر ازاماتتاردىڭ بىر-بىرىمەن ايەل الماستىرعانىنا تاجىريبە جۇزىندە كۋا بولادى. رەاليتي-شوۋ فورماتىنداعى تەلەجوبا انە-مىنە دەگەنشە كوپشىلىككە جول تارتادى. ول قازاقستاننىڭ قىز-كەلىنشەكتەرىنە ارماندارىن جۇزەگە اسىرۋعا كومەكتەسەدى. بۇل جوبا وتباسىن قالاي قۇرۋعا، قالاي ساقتاپ قالۋعا بولادى، ءارى تابىستى، ءارى باقىتتى ايەل اتانۋ مۇمكىن بە دەگەندەي سۇراقتارعا جاۋاپ بەرەدى. 

 ال بيىل ءوزىنىڭ يميدجدىك كونسەپسياسىن وزگەرتىپ، جاڭا ستۋديادان، جاڭا تەحنولوگيامەن حابار تاراتا باستاعان قازاقستاندىق تەليەۆيزيانىڭ ۇزدىك اقپاراتتىق باعدارلاماسى «ينفورمبيۋرو» ادەتتەگىدەي، ەڭ شىنشىل، ەڭ وزەكتى ماسەلەلەردى كوتەرىپ، بۇكىل وتباسىنا پايدالى جاڭالىقتاردى ۇسىنادى.

«31 ارنا» كوپ جىلدان بەرى كينوكورسەتىلىم سالاسىندا دا ەلىمىزدەگى ەڭ ۇزدىك تەلەارنا دەگەن اتتى ۇستانىپ كەلەدى. بيىل دا ءوزىنىڭ ورنىن ەشكىمگە بەرمەك ەمەس.    

«31 ارنادا» تمد ەلدەرى اراسىندا «ا» ساناتىنداعى كينوكورسەتىلىم پرەمەرالارىنىڭ ەڭ ۇزدىك توپتاماسى بار. وسى ماۋسىمدا دا كورەرمەندى كوپتەگەن توسىنسىيلار كۇتىپ تۇر. ءبىز سىزدەرگە الەمدىك پرەمەرالار، مۋلتيپليكاسيالار جانە 2018 جىلدىڭ ۇزدىك فيلمدەرىن تارتۋ ەتەمىز.

بيلىعى كۇز سىزدەرگە «31 ارنامەن» بىرگە تاماشا كوڭىل-كۇي مەن كۇلكى سىيلايدى. سونىمەن قاتار، ءبىز بۇل ماۋسىمدى «جۇلدىزدى ماۋسىم» دەپ اتادىق. البەتتە، وسى اتاۋدى اقتاۋ ءۇشىن كورەرمەنگە وڭ اسەر سىيلاۋعا مىندەتتىمىز. «31 ارنانىڭ» جاڭا جوبالارىن اسىعا كۇتىپ، جاقسىلىققا ۇمتىلايىق. ەلىمىزدىڭ ەڭ ۇزدىك وتباسىلىق ارناسىمەن ءبىر تولقىندا بولايىق.