«وتان — وتتان دا ىستىق» جوباسى اياسىندا، 2018 جىلدىڭ ەڭ اتى شۋلى ءىس سايراگۇل ساۋىتبايدىڭ باس بوستاڭدىعىنا  قول ۇشىن بەرگەن زاڭگەر ابزال قۇسپانمەن پرەسس-كونفەرەنسيا وتكىزىلدى. باستى تاقىرىپتا ازاماتتىق الۋ، ىحتيارحات الۋ، قۇجاتتاردىڭ مەرزىمىنىڭ ءوتۋى جانە ودان باسقا تۋىندايتىڭ قۇجات ماسەلەلەردىڭ شەشىلۋى تالقىلاندى. 

ابزال قۇسپاننىڭ ايتۋى بويىنشا بۇگىنگى تاڭدا 50000 ورالماننىڭ قۇجات ماسەلەسى شەشىلمەي جاتىر. مەديسينالىق كومەك الۋ، جۇمىسقا ورنالاسۋ، بالالاردى بالاباقشاعا نە مەكتەپكە كەزەككە كويۋ دەگەن باستى قاجەتتىلىكتەردەن ۇزىلگەن ازاماتتارعا كومەك بەرۋ جوبانىڭ باستى ماقساتى بولىپ تابىلادى. زاڭگەردىڭ باستى شەشىمى بارلىق قيىن جاعدايعا تاپ بولعان ازاماتتاردان ارىز جيناپ، بىرلەستىك اتىنان ۋاكىلەتتى مينيستىرلىككە ۇسىنىستار مەن شاعىمنان جينالعان قۇجاتتامالارعا شەشىمىن تابۋدى ءوتىنۋ.

باستى ۇسىنىستاردا: اپتاسىنا ءبىر رەت قۇجات ماسەلەسى جايلى كەنەس بەرۋ، وبلىستاردا تۇرىپ جاتقان ورلماندارمەن كوشى-قون ينسپەكسياسىندا كەزدەسۋ وتكىزۋ، حالىققا قىزمەت كورسەتۋ ورتالىقتارىندا كوسىمشا «ورالمانداردىڭ قۇجاتتارىڭ قابىلداۋ» تەرەزەسىن ورناتۋ.

قاتىسۋشىلار زاڭگەردىڭ كەنەسىن الىپ، ارىزداردى جيناۋ پرەسس كونفەرەنسيا اياقتالعان سوڭ لەزدە باستالدى.  ءتۇرلى سەبەپتەرمەن كەلە الماعان قانداستارىمىزعا جەدەل جەلىگە زۆانداۋعا نەمەسە «ادىرنا» سايتىنان تولىق اقپاراتپەن تانىسۋ مۇمكىندىكتەرىن ايتتى. كەلەسى كەزدەسۋدى 27 قىركۇيەككە ەسىك قالاسىندا وتكىزۋدى شەشىلدى.