اقش پرەزيدەنتى قىتايعا قىر كورسەتىپ، سايدا ديسباللانسىن جويامىز دەپ قىتايعا مىنەز كورسەتكەن ەدى. رەسەي ەكسپەرتتەرى جۇڭگو مەن اقش جاۋلاساتىن بولدى دەپ الاقايلاعان، ءبىراق جۇڭگو اقش-پەن كونفرونتاسياعا بارماي، اتالعان مۇددەلەر قايشىلىعىن تولىق جويماسا دا جۇمسارتپاق. اقش تالابى نەگىزىنەن ورىندالماق. ترامپ اۋمەسەر ەمەس ەكەن. اقش پرەزيدەنتى ەۋروپالىق وداققا قىر كورسەتىپ سايدا: سەندەر ءبىزدىڭ موينىمىزعا ءمىنىپ الدىڭدار، ناتو-داعى اسكەري شىعىندارىڭدى كوتەرىڭدەر. ءبىزدىڭ تالابىمىز –وزدەرىڭنىڭ ىشكى جيىنتىق ءونىمنىڭ كولەمىنىڭ 4%، ال سەندەر 2-3%-دان اسپايسىڭدار، توقتاتىڭدار ادىلەتسىزدىكتى دەپ جەر تەپكىلەدى. ەۋروپالىق وداققا ءبىزدىڭ مۇددەمىزگە قايشى ساياسات جۇرگىزىپ كەلەدى. ماسەلەن، ترامپ «گەرمانيا رەسەيدەن گاز ساتىپ الىپ، رەسەيدىڭ ەكونوميكالىق جانە اسكەري بيۋدجەتىن كۇشەيتىپ كەلەدى. بۇل دۇرىس ەمەس»،-دەدى دە  اقش «سيەۆەرنىي پوتوك – 2» گاز قۇبىرى قۇرىلىسىنا سانكسيالار سالدى. اۋمەسەر ترامپ اۋمەسەر ەمەس ەكەن. ەۋروپالىق وداق ترامپتىڭ سوزىنە ويلانىپ قالدى. ەسەسىنە تاnap تۇركيا ارقىلى ورتا ازيا گازى ەۋروپاعا كەتتى. رەسەي سانىن سابالاپ جىلاپ قالدى. بۇرىن تۇركمەنستان مەن ءازىربايجان گاز بايلىعىن ارزانعا ساتاتىن. ەندى قازاقتىڭ گازى مەن مۇنايى التەرناتيۆالىق رەسەيدەن بولەك ساۋدا جولىن تاپتى. قىتايدىڭ دا كوڭىلىن تاپتى ياعني جىبەك جولى تەمىر جولىن اشىپ بەردى. كاسپيي تەڭىزىنەن وتەتىن ءدالىز اشتى. قىتايدىڭ كوڭىلى تولدى،  راقىمسىزدىق كورسەتتى (جۇڭگو قازاعىن جانشىپ كەلەدى). ارينە، جۇڭگو بىزدەن قايمىقپاسا دا، اقش-تىڭ قىتايعا قوسىمشا سانكسيالارىنان سەسكەنەدى. جۇڭگو قازاقتارىنا اتامەكەنگە كەلەم دەۋشىلەرگە كوشىپ كەتۋگە رۇقسات بەرۋگە ءماجبۇر بولادى. جۇڭگو سسرو-ىڭ كەبىن كيەدى دەگەنمىن. قىتايداعى اۆتوريتارلىق-توتاليتارلىق كوممۋنيستىك رەجيم نارىقتى شەكتەپ ەكونوميكالىق قارقىندى تەجەدى: 11%-دان  6%-عا قۇلدىراپ بارادى. اتالعان  6% ەكونوميكالىق ءوسىمنىڭ جارتىسى “پريپيسكي-قوسىپ جاز”. قىتايداعى ەكونوميكالىق قارقىننىڭ قۇلدىراۋى حالىق نارازىلىعىن تۋدىرادى، ال حالىق نارازىلىعىن اۋىزدىقتاۋ ءۇشىن كوممۋنيستىك نومەنكلاتۋرا رەپرەسسيالاردى ۇدەتەدى. قىتايدىڭ ءتول جۇرتشىلىعى  94%   - حان تەكتىلەر. جۇڭگو بيلەۋشىلەرى ءتول جۇرتشىلىعى  94%   - حان تەكتىلەردى يمپەريالىق پيعىلمەن بۇزدى. رەسپرەسسيالاردى باستادى. تيبەتتىكتەردى جانشۋ بۇرىن كەرى ناتيجە بەرگەن. ۇيعىرلار مەن قازاقتاردى “ءدىنشىل، سەپاراتيست  جانە تەرروريست ۇلتتار” رەتىندە قارالاپ كورسەتتى. اۋمەسەر ترامپ اۋمەسەر ەمەس ەكەن. ترامپ رەسەيدى ەكونوميكالىق، فينانستىق، تەحنولوگيالىق سانكسيالارمەن تۇنشىقتىرىپ كەلەدى. ترامپتىڭ جوسپارىندا 2019-2020 جىلدارى رەسەي داعدارىسى كوللاپسقا ۇلاسىپ، ىدىراۋعا اپارادى. رەسەي ميليتارلانعان يادرولىق قارۋى بار مەملەكەت، سوندىقتان ءىس ناسىرعا شاپپاسىن دەپ “اۋمەسەر” ترامپ ناعىز  اۋمەسەر رەسەي باسشىسى ءپۋتيننىڭ كوڭىلىن اۋلايدى. سونىمەن ترامپ پەن پۋتين ەسكى دوس. 2013-2014 جىلدارى ولار ءوزارا كەزدەسىپ، دوستاسىپ ۇلگىرگەن. رەسەي – شىققىنشى مەملەكەت. وقشاۋلانعان رەسەي باسشىسى – ءپۋتيندى جۇباتىپ قىرىمدى ۋكرايناعا قايتارۋدى، شىعىس ۋكراينادان رەسەي اسكەرىنەن بوساتۋدى   ويلاستىرماق. ءبىراق ءپۋتيننىڭ شەگىنەتىن ءتۇرى جوق. ولاي بولسا سانكسيالار ۇدەي بەرەدى. ترامپ قادالعان جەرىنەن قان الاتىن بالە. ەگەر دە رەسەيدى ايۋعا تەڭەسەك، ترامپ سول ايۋدى جۋاسىتىپ كەلەدى. ترامپ اۋمەسەر ەمەس ەكەن...

ءازىمباي عالي