ەكونوميست مۇحتار تايجان 2018 جىلدىڭ 20 تامىزىندا قىتايدىڭ قازاقستانعا ەكسپانسياسى تۋرالى قول جيناپ، ەلباسىنا حات جولداعان ەدى. ق ر ۇلتتىق ەكونوميكالىق مينيسترلىگى اتالمىش حاتقا رەسمي جاۋاپ بەردى، دەپ حابارلايدى Qamshy.kz اقپارات اگەنتتىگى. 

حاتتا قىتايداعى 2 ميلليونعا جۋىق قازاقتىڭ تاعدىرى مەن قازاقستان-قىتاي اراسىنداعى قارجىلىق ماسەلەلەرى كوتەرىلدى.

ق ر ۇەم مالىمەتىنشە، ق ر سىرتقى ىستەر مينيسترلىگى شەتەلدەگى قازاقستان ازاماتتارىنىڭ قۇقىقتارى مەن مۇددەلەرىن قورعاۋ ءۇشىن ءتيىستى شارالاردى جۇزەگە اسىرىپ وتىرادى. ال قىتايداعى ەتنيكالىق قازاقتاردىڭ ماسەلەلەرىنە قاتىستى قازاقستان جانە جۇڭگو ديپلوماتتارى ارنايى كونسۋلتاسيالار وتكىزىپ، ءتيىستى شەشىم قابىلدايدى. مۇنداي جاعدايدا ەكى مەملەكەت اراسىنداعى دوستىق قارىم-قاتىناس ەسكەرىلەدى.

 «ەكى مەملەكەت اراسىندا جوعارى دەڭگەيدە قول قويىلعان ساياسي قۇجاتتار: 2013 جىلعى 7 قىركۇيەكتەگى ق ر مەن قحر-دىڭ جان-جاقتى ستراتەگيالىق ارىپتەستىكتى ودان ءارى تەرەڭدەتۋ تۋرالى بىرلەسكەن دەكلاراسياسى  جانە شانحاي قالاسىندا 2014 جىلعى 19 مامىرداعى ق ر مەن قحر اراسىنداعى بىرلەسكەن دەكلاراسياسىنا سايكەس، تاراپتار ەگەمەندىككە، قاۋىپسىزدىككە جانە اۋماقتىق تۇتاستىققا زيان كەلتىرەتىن قانداي دا ءبىر وداقتار مەن بلوكتارعا قاتىسپايتىنىن، ەكىنشى تاراپتىڭ ەگەمەندىگىنە جانە قاۋىپسىزدىگىنە زيان كەلتىرەتىن ءۇشىنشى ەلدەرمەن شارت جاساسپايتىنىن، ءوز اۋماعىندا قانداي دا ءبىر ەكىنشى تاراپتىڭ ەگەمەندىگىنە، قاۋىپسىزدىگىنە جانە اۋماقتىق تۇتاستىعىنا زيان كەلتىرۋگە باعىتتالعان ۇيىمدار مەن توپتاردىڭ قىزمەتىنە جول بەرمەيتىنىن راستايدى»، - دەپ جاۋاپ بەردى ۇەم.

سونىمەن قاتار، ۇەم مالىمەتىنە سايكەس، جۇڭگو حالىق رەسپۋبليكاسى قازاقستان رەسپۋبليكاسىنىڭ مەملەكەتتىك ەگەمەندىگىن جانە اۋماقتىق تۇتاستىعىن قامتاماسىز ەتۋ بويىنشا باسشىلىعىن قولدايدى جانە جۇڭگو مەن قازاقستان مەملەكەت ىشىندەگى ىستەرگە ارالاسپايدى.

سونىمەن قاتار مينيسترلىك ەكى ەل اراسىنداعى قارجىلىق كەلىسىم-شارتتار بويىنشا جاۋاپ بەردى.

 ونداعى تالقىلانعان ماسەلە «قازمۇنايگاز» ۇق» اق-نىڭ ءوندىرۋشى اكتيۆتەرىنە جۇڭگو كومپانيالارىنىڭ قاتىسى مەن قازاقستان-قىتاي گاز قۇبىرى بولدى.

«2006 جىلى «قازمۇنايگاز» ۇق» اق «پەترو قازاقستان ينك» كومپانياسىنداعى اكسيالاردىڭ 33 پايىزىن ساتىپ الدى، اكسيالاردىڭ قالعان 67 پايىزى «CNPC» كومپانياسىنا تيەسىلى.  «قاراجانباسمۇناي» اق اكسيونەرلەرى: «قمگ» ءبو» اق (50 پايىز) جانە سيتيك (50 پايىز) 50 پايىز قاتىسۋ ۇلەسى 150 ملن اقش دوللارى سوماسىنا، سونىمەن قاتار 782 ملن اقش دوللارى سوماسىنا قابىلدانعان مىندەتتەمەلەر ەسەبىنە ساتىپ الىندى»، - دەلىنگەن مينيسترلىكتىڭ جاۋابىندا.

ال قازاقستان-قىتاي گاز قۇبىرى بويىنشا مىنانى حابارلادى:

«2008 جىلدىڭ اقپانىندا «ازيالىق گاز قۇبىرى» ج ش س قۇرىلدى. 2010 جىلدىڭ جەلتوقسانىندا «بەينەۋ-شىمكەنت گاز قۇبىرى» ج ش س قۇرىلدى. اگق قازاقستان – جۇڭگو ماگيسترالدىق گاز قۇبىرىن سالۋ جوباسىن ىسكە اسىرۋ ماقساتىندا جۇڭگو دامۋ بانكى مەن جۇڭگو بانكىنىڭ قاتىسۋىمەن سينديكاتتالعان قارىز تارتتى، قازىرگى ۋاقىتتا بەرەشەك 6،1 ملرد اقش دوللارىن قۇرايدى. بەينەۋ-شىمكەنت گاز قۇبىرىن سالۋدى قارجىلاندىرۋ جۇڭگو دامۋ بانكىنەن قارىز الۋ ەسەبىنەن جۇزەگە اسىرىلدى، اعىمداعى بەرەشەك 945 ملن اقش دوللار»، - دەلىنگەن ۆەدومستۆودا.

ەگەر قارىزدار وتەلمەگەن جاعدايدا، گاز قۇبىرلارى كەپىلمەن جابىلادى. حاتتىڭ تولىق مازمۇنىن تومەندەگى فوتولاردان كورە الاسىز.