«كەشە تۇندە قايعىلى وقيعا ورىن الدى. جۋرناليست يرينا بەكەتوۆانى اشىناسى ا.گۋسەينوۆ ونى ءۇيدىڭ كىرە بەرىسىندە وزگە ەر اداممەن تۇرعانىن كورىپ، قىزعانىشتان ولتىرگەن. قازا تاپقان ازاماتشا مەن كوڭىلدەس اراسىندا ۇرىس-كەرىس ورىن العان. ۇرىس-كەرىستى كورگەن قازا تاپقان ازاماتشانىڭ تانىسى كەتىپ قالماق بولعان. الايدا ول كەتىپ بارا جاتىپ، ونىڭ ايەلدى ۇرىپ جاتقانىن ەستىگەن. قايتا اينالىپ جوعارى كوتەرىلگەندە ەس-تۇسسىز جاتقان ايەلدى كورىپ، جەدەل جاردەم شاقىرعان. بۇل ۋاقىتتا گۋسەينوۆ بەلگىسىز باعىتقا بوي تاسالاعان»، - دەدى رەسمي وكىل.

ونىڭ دەرەگىنشە، بەكەتوۆا مەن گۋسەينوۆ رەسمي نەكەگە وتىرماعان. ولاردىڭ ەكى بالاسى بار.

«قىلمىسكەردى ۇستاۋعا ەلوردالىق ءىىد-نىڭ بارلىق جەكە قۇرامى مەن كۇشتەرى جۇمىلدىرىلدى. اتالعان قىلمىستى جاساعانى ءۇشىن 1984 جىلدىڭ 23 شىلدە ايىندا استانا قالاسىندا دۇنيەگە كەلگەن گۋسەينوۆ اناتوليي ميحايلوۆيچ ىزدەستىرىلۋدە. كەز كەلگەن اقپاراتتى بىلەتىن ازاماتتارعا مىنا تەلەفوندار بويىنشا استانا قالالىق ىىد-ىنە حابارلاسۋىن سۇرايمىز: 8 (7172) 71-60-17، 71-61-47، 71-60-21 نەمەسە كەزەكشىلىك ءبولىم 71-60-10، 71-60-11»، - دەدى الماس سادۋبايەۆ.