استانا اكىمى 10-قاباتتان قۇلاعان 7 جاسار بالانى قۇتقارعان ارتەم كاريەۆكە 500 مىڭ تەڭگەلىك سىياقى تابىستادى دەپ حابارلايدى Qamshy.kz اقپارات اگەنتتىگى.
تاعى ءبىر ايتا كەتەرلىگى، استانا قالاسى سارىارقا اۋدانى دا استانالىق تۇرعىندى ماراپاتتاعان بولاتىن. بۇل تۋرالى اۋدان اكىمدىگىنىڭ باسپا ءسوز حاتشىسى بيبىگۇل ابىددين ءوزىنىڭ فەيسبۋك پاراقشاسىنا جاريالاعان بولاتىن.
7 جاسار بالانىڭ ءومىرىن امان الىپ قالعان ارتەم كاريەۆتى سارىارقا اۋدانىنىڭ اكىمى قابىلداپ، تەليەۆيزور سىيلادى.
28 جاستاعى ارتەم كاريەۆتى بۇكىل قازاقستاندىقتار تانىپ، بۇگىنگى كۇننىڭ قاھارمانىنا تەڭەدى. ارتەم كاريەۆ 10 قاباتتان قۇلاعان بالانى قاعىپ العان. بۇل ءساتتى استانالىقتاردىڭ ءبىرى ۆيدەوعا ءتۇسىرىپ العان.
ارتەمنىڭ ءوزى بولعان جاعدايدى ايتىپ بەردى.
«مەن بالكونعا شىقتىم، ايعايلاعان داۋىستى ەستىدىم، ادامدار ايعايلاپ جۇگىرىپ ءجۇر ەكەن. بارلىعى مەن جاققا قاراپ تۇر. جوعارى قاراسام، بالا سالبىراپ تۇر ەكەن. ول تومەنگە قاراي قۇلديلاي باستاعاندا، مەن ونى قاعىپ الدىم. بالكونعا قاراي تارتتىم»، — دەيدى ارتەم كاريەۆ.
