شىعىس قازاقستان وبلىسىنداعى زىريان اۋدانى مەن قالاسى التاي بولىپ وزگەردى، دەپ جازادى Qamshy.kz اقپارات اگەنتتىگى.

بۇگىن زىريان اۋداندىق ءماسليحاتىنىڭ تۇراقتى كوميسسياسىنىڭ تىڭداۋى وتكەن ەدى. ءبىر ساعاتقا سوزىلعان تىڭداۋ بارىسىندا زىريان اۋدانىنىڭ دا، قالاسىنىڭ دا اتاۋىن التاي دەپ اتاۋ تۋرالى شەشىم قابىلداندى. بىرنەشە كۇننەن بەرى حالىق بولىپ تالقىلاپ كەلە جاتقان اۋدان اتاۋىن وزگەرتۋ تۋرالى ماسەلەنى اۋداندىق ءماسليحات دەپۋتاتتارى مەن جەرگىلىكتى قوعامدىق ۇيىمدار ءبىراۋىزدان قولدادى.

حالىق كوتەرگەن ماسەلەنى الدىمەن وبلىس اكىمى دانيال احمەتوۆ قولداپ، «التاي» اتاۋىن اۋدانعا ابدەن لايىق ەكەنىن اتاپ وتكەن ەدى.

ونىڭ ۇستىنە، بۇگىن 28 قىركۇيەك التايدىڭ جىرشىسى اتانعان ورالحان بوكەيدىڭ تۋعان كۇنى.

جەرىمنىڭ ارۋىسىڭ التاي تاۋىم،

باۋىرىڭدا سىڭسىپ وسكەن باقشا-باۋىم.

باسىڭدا اپپاق بولىپ قار جاتسا دا،

قارايمىن، قىزىقتايمىن، قۇمارتامىن.

تاۋلاردىڭ اتاسىسىڭ شىعىسىمدا،

مەن دە ەل كوپ ريزا ىرىسىڭا.

ءبىلىم اپ باۋىرىڭدا ءجۇرمىز شالقىپ،

اي، كۇنىم، اناشىمسىڭ، تىنىسىمدا.

(ورالحان بوكەيدىڭ 16 جاسىندا ەڭ العاش جازعان ولەڭى)