استانا قالاسىنىڭ تۇرعىنى دۋلات ءاعادىل اۆتوبۋستا ءمىنىپ-تۇسۋدىڭ قيىنداپ كەتكەنىن ايتتى، دەپ جازادى Qamshy.kz اقپارات اگەنتتىگى. بۇل تۋرالى ول ءوزىنىڭ ۆيدەوۇندەۋىن فەيسبۋك پاراقشاسىنا جاريالادى. ونىڭ ايتۋى بويىنشا، اۆتوبۋستا ادام لىق تولى بولعان كەزدە ادامدار اۆتوبۋستان تۇسە الماي ابىگەرگە تۇسەدى ەكەن. بۇعان سەبەپ Astana LRT كارتاسى ەكەن. ناقتىلاي كەتسەك، اۆتوبۋسقا مىنگەن ادام اhتقى جاقتا ورنالاسقان اپپارات ارقىلى كارتامەن تولەم جاساپ بولعاننان كەيىن مىندەتتى تۇردە اۆتوبۋستىڭ الدىڭعى ەسىگى ارقىلى ءتۇسۋ كەرەك. اۆتوبۋستىڭ ىشىندە ادام از بولسا، بۇل وڭاي ارينە، ال ادامعا لىق تولى اۆتوبۋستا بۇل قاعيدانى ورىنداۋ ايتارلىقتاي قيىنعا سوعادى. 

«قۇرمەتتى قازاقستاندىقتار، مەنىڭ ءبىر جارىم جىلدان بەرى كوتەرىپ جۇرگەن ماسەلەم اstana LRT-نىڭ كارتاسىنا بايلانىستى بولدى. مەن ءوزىم استانا قالاسى سەلينوگراد اۋدانى تالاپكەر اۋىلىندا تۇرامىن. اتالمىش كارتا حالىققا ىڭعايسىزدىق تۋدىرادى. بالا-شاعاسىمەن جۇرگەن ۇلكەن كىسىلەر بار، مۇمكىندىگى شەكتەۋلى جاندار بار، سولارعا ىڭعايسىز. باسشىلار قالاي ويلايتىنىن مەن تۇسىنبەيمىن. مەن تالاي رەت اكىمدىككە دە باردىم، بىرنەشە اۆتوبۋس پاركتەرىنە دە باردىم. الايدا بارلىعى بىر-بىرىنە سىلتەپ، ماسەلە ءالى كۇنگە دەيىن قاراستىرىلمادى. اۆتوبۋسقا كىرگەن ادام ورتاسىنداعى نەمەسە ارتىندا ورنالاسقان اپپارات ارقىلى تولەم جاساپ، كەيىن مىندەتتى تۇردە اۆتوبۋستىڭ الدىڭعى جاعىنان ءتۇسۋ كەرەك. سوندا بالا-شاعاسىمەن اۆتوبۋسقا مىنگەن نەمەسە اياعى اۋىر ايەلدەر، ارباعا تاڭىلعان مۇگەدەكتەر اۆتوبۋستىڭ ارتقى جاعىنان كىرىپ، الدىنان قالاي شىعادى؟ ال اۆتوبۋستىڭ الدىنان مىنگەن ادام ارتقى جاقتاعى اپپاراتقا كارتاسىن قويىپ، جولاقىسىن تولەپ قايتادان الدىنان ءتۇسۋ كەرەك. بۇل نە ءۇشىن جاسالعان؟ حالىقتى قيناي بەرۋ ءۇشىن جاسالعان با؟»، دەيدى دۋلات ءاعادىل.