پارلامەنت ماجىلىسىندە ءوتىپ جاتقان «جۇمىسپەن قامتۋ سالاسىنىڭ پروبلەمالارى مەن دامۋ پەرسپەكتيۆالارى» پارلامەنتتىك تىڭداۋى بارىسىندا پالاتا ءتوراعاسى نۇرلان نىعماتۋلين ءسوز سويلەپ، وسى سالاداعى جەتىستىكتەر مەن كەمشىلىكتەرگە توقتالدى دەپ حابارلايدى Qamshy.kz اقپارات اگەنتتىگى ق ر پارلامەنتى ءماجىلىسى اپپاراتىنىڭ باسپا ءسوز قىزمەتىنە سىلتەمە جاساي وتىرىپ.

پالاتا سپيكەرىنىڭ پكىرىنشە، بۇگىنگى كۇنى ءبىلىم بەرۋ مەكەمەلەرىندە مامانداردى دايارلاۋ نارىق تالاپتارىنا ساي بولماي وتىر. ونىڭ ءبىر سەبەبى، كادرلارعا دەگەن سۇرانىسقا بايلانىستى تەرەڭ تالداۋ جاسالمايدى.

ودان ءارى ءبىلىم بەرۋ باعدارلامالارى دا قازىرگى تالاپتى  تولىقتاي  ورىنداماي وتىرعانىن،  سول سەبەپتەن، ستۋدەنت جاستارعا وقۋىن بىتىرگەننەن كەيىن  ماماندىعى بويىنشا جۇمىس تابۋ قيىن ەكەنىن العا تارتقان ن. نىعماتۋلين  وسى ماسەلەنى شەشۋ ءۇشىن كادرلارعا دەگەن  قاجەتتىلىك مونيتورينگىنىڭ  ءتيىمدى جۇيەسىن قۇرۋ قاجەتتىگىنە توقتالدى.

ايتا كەتەتىن مالىمەت، بۇگىنگى كۇنى ءبىزدىڭ ەلىمىزدە 7 ميلليونعا جۋىق  جۇمىسكەردىڭ  جوعارى جانە  ورتا كاسىپتىك ءبىلىمى بار. ول بارلىق  جۇمىسپەن قامتىلعان ازاماتتاردىڭ 79  پايىزىن قۇرايدى. بۇل  ەلىمىزدەگى ەڭبەك رەسۋرستارىنىڭ  ساپاسى  جوعارى    ەكەنىنىڭ    دالەلى.

وسى كورسەتكىشتەر  الەمدەگى ەڭ دامىعان 30 مەملەكەتتىڭ قاتارىنا قوسىلۋ جولىنداعى ءبىزدىڭ ستراتەگيالىق  ارتىقشىلىعىمىز بولىپ   تابىلادى.