ءىىم كريمينالدى پوليسيا دەپارتامەنتىنىڭ قىزمەتكەرلەرى اقمولا وبلىسى ارشالى اۋدانى يجيەۆسكوە اۋىلىنداعى ەسىل وزەنىنىڭ جاعاسىنان NUR.KZ پورتالىنىڭ استاناداعى ءجۋرناليسىن ءولتىرىپ، قاشىپ كەتكەن كۇدىكتى ازامات گۋسەينوۆتى قولعا ءتۇسىردى دەپ حابارلايدى Qamshy.kz اقپارات اگەنتتىگى.
بۇل تۋرالى ءىىم رەسمي وكىلى الماس سادۋبايەۆ مالىمدەدى.
ەسكە سالساق، 24 قىركۇيەكتە يرينا بەكەتوۆانى وزىمەن بىرگە تۇراتىن ازامات قىزعانىشتان ۇرىپ ولتىرگەن بولاتىن.
قىلمىس جاساعان سوڭ قاشىپ كەتكەن كۇدىكتىنى ىزدەۋ شارالارىنا ءىىد-نىڭ بارلىق جەكە قۇرامى جۇمىلدىرىلعان ەدى. قىلمىسكەردى ۇستاۋ وپەراسياسى وتە تەز اياقتالعان. ول ەشبىر قارسىلىق كورسەتپەگەن جانە قاشۋعا دا ارەكەت ەتپەپتى.
قازىرگى تاڭدا سوتقا دەيىنگى تەرگەۋ امالدارى جۇرگىزىلۋدە.
