«ۇكىمەت قاۋلىسىمەن جۇلدىز قاجىكەن قىزى وماربەكوۆا ق ر قوعامدىق دامۋ ۆيسە-مينيسترى لاۋازىمىنا تاعايىندالدى»، - دەلىنگەن حابارلامادا.

جۇلدىز وماربەكوۆا 1983 جىلى الماتىدا دۇنيەگە كەلگەن.

ءال-فارابي اتىنداعى قازاق ۇلتتىق ۋنيۆەرسيتەتىن ءتامامداعان. قۇقىقتانۋ مامانى، الەۋمەتتىك عىلىمدار كانديداتى.

ەڭبەك جولىن 2001 جىلى باستاعان. ءتۇرلى جىلدارى الەۋمەتتانۋ پانىنەن وقىتۋشى، «باۋىرجان» قايىرىمدىلىق قورىنىڭ اتقارۋشى ديرەكتورى جانە پرەزيدەنتى بولىپ جۇمىس ىستەگەن.

2013–2014 جىلدارى الماتى مادەنيەت باسقارماسى باسشىسىنىڭ م.ا.، باسشىسى، 2014–2015 جىلدارى — الماتى ناۋرىزباي اۋدانى اكىمىنىڭ ورىنباسارى قىزمەتتەرىن اتقارعان. 2016 جىلدىڭ مامىر ايىنان باستاپ قازىرگى تاڭعا دەيىن «نۇر وتان» پارتياسىنىڭ الماتى قالالىق بولىمشەسى ءتوراعاسىنىڭ ءبىرىنشى ورىنباسارى لاۋازىمىن اتقارعان.