شىمكەنتتەگى كوپ قاباتتى ءۇيدىڭ پودەزىندە 11 جاستاعى بالاعا تاپ بەرگەن ەر ادام 15 جىلعا سوتتالدى. بۇل تۋرالى Tengrinews.kz پورتالىنا قىلمىستىق ىستەر جونىندەگى مامانداندىرىلعان اۋدانارالىق سوتى حابارلادى.

«11 جاستاعى بالاعا تاپ بەرىپ، زورلىق ارەكەت جاساماق بولعان 33 جاستاعى ەر ادامعا قاتىستى ۇكىم شىقتى. سوت ۇكىمى بويىنشا ق ر قك 121-بابىنىڭ 4-بولىمىنە سايكەس 15 جىلعا سوتتالدى. سوت شەشىمىنە سايكەس ەر ادام جازاسىن قاۋىپسىزدىگى جوعارى كولونيادا وتەيتىن بولادى. سوت پروسەسىنە بالانىڭ زاڭدى وكىلدەرى قاتىستى، ءوزى قاتىسپادى. سوتتالۋشى بالانىڭ جاقىندارىنان كەشىرىم سۇراپ، وكىنەتىندىگىن جەتكىزدى. ول 21 قىركۇيەكتە 15 جىلعا سوتتالدى»، - دەدى سوت.

ايتا كەتەيىك، شىلدەنىڭ باسىندا الەۋمەتتىك جەلىدە كامەلەت جاسقا تولماعان ءجاسوسپىرىم بالاعا شابۋىل جاساعان ۆيدەو تاراپ، قازاقستاندىقتاردىڭ جاعاسىن ۇستاتقان. ەتيكا تۇرعىسىنان سايتىمىز ۆيدەونى جاريالامادى. وقيعا شىمكەنتتە 1 شىلدە كۇنى بولدى. ۆيدەودان ەر ادامنىڭ بالانى پودەزگە كىرگىزىپ، ارتىنشا باسپالداقتىڭ ارتىنا جاسىرىنعانىن بايقايمىز. كەيىن كىرەبەرىسكە ءبىر ايەل كىرىپ قالىپ، ەر ادام سىرتقا قاراي قاشا جونەلەدى. ۆيدەو بەينەباقىلاۋ كامەراسىنا ءتۇسىپ قالعان.

كەيىن پوليسيا انىقتاعانداي، كۇدىكتى 1985 جىلعى شىمكەنت تۇرعىنى بولىپ شىقتى.

اراعا 20 كۇن سالىپ پەدوفيلدىڭ قۇربانى بولا جازداعان بلاناىڭ اكەسى جۇرەك تالماسىنان قايتىس بولدى. بالانىڭ اجەسى مۇنىڭ سەبەبىن ششىلدەنىڭ باسىندا بولعان وقيعادان ەكەنىن ايتتى. ايتۋىنشا، بالاسىنىڭ جان قينالىسىن جۇرەگى كوتەرە الماعان. ءارى اجەسى سول كۇنگى وقيعانىڭ قالاي بولعانىن جۋرناليستەرگە ايتىپ بەردى.