ەلباسى 5 قازاندا اقوردا رەزيدەنسياسىندا حالىققا جولداۋىن جاريالايدى، دەپ حابارلايدى Qamshy.kz اقپارات اگەنتتىگى. جولداۋىن جاريالاماس بۇرىن قازاقستاننىڭ بۇگىنگى كۇنگە دەيىنگى جەتىستىكتەرىن ءتىزىپ، الداعى جوسپارلارعا توقتالىپ ءوتتى.

ەلباسى جولداۋىن ۇلتتىق تەلەارنالار مەن اقوردانىڭ فەيسبۋكتەگى رەسمي پاراقشاسى تىكەلەي ەفيردە كورسەتەتىن بولادى.

«27 جىل ىشىندە بەرىك ەكونوميكالىق ەل قالىپتاستىردىق. شاعىن جانە ورتا بيزنەس دامىپ كەلەدى. سىن-قاتەرلەرگە دەر كەزىندە نازار اۋداردىق، ماسەلەنى شەشۋدە بەلسەندى جۇمىس ىستەدىك»، - دەدى ەلباسى.

ەلباسىنىڭ 2017 جىلعى «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى حالىققا جولداۋىندا ەل ەكونوميكاسىن وركەندەتىپ قانا قويماي، ءبىلىمدى دامىتۋ، رۋحانياتىمىزدى جاڭعىرتۋ، قاۋىپسىزدىك شارالارىن كۇشەيتۋ، ءدىني ەكسترەميزمنىڭ الدىن الۋ، قىلمىستىق جازانى وتەپ جاتقان ازاماتتاردى تەولوگيالىق تۇرعىدان ساۋاتتاندىرۋ ماسەلەلەرى ايتىلدى.

سونىمەن قاتار، وسكەلەڭ ۇرپاقتى ءوز بەتىمەن ىزدەنۋگە ۇندەپ، وسى باعىتتا وقىتۋ باعدارلامالارىن جەتىلدىرۋدى تاپسىردى. سونىمەن قاتار، ITء-بىلىمدى، قارجىلىق ساۋاتتىلىقتى، ۇلتجاندىلىقتى دامىتۋعا باسا كوڭىل ءبولۋ قاجەتتىگىن ءسوز ەتتى.

ال 2018 جىلى 10 قاڭتاردا «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىن جاريالادى. وندا ءتورتىنشى ونەركاسىپتىك ريەۆوليۋسيا الەمىنە بەيىمدەلۋ مەن جەتىستىككە جەتۋ جولىن تابۋ ءۇشىن نە ىستەۋ قاجەتتىگىن ايقىندادى.  ءۇش ءتىلدى مەڭگەرگەن كەز كەلگەن ەتنيكالىق توپتىڭ وكىلى پرەزيدەنت بولا الاتىنى ايتىلدى. 2018 جىلى زەينەتاقى مەن جاردەماقىنىڭ جانە مۇعالىمدەر جالاقىسىنىڭ نەشە پايىزعا وسەتىنىن حابارلادى.