ەلباسى 5 قازاندا اقوردا رەزيدەنسياسىندا حالىققا جولداۋىن جاريالايدى. جولداۋىن جاريالاماس بۇرىن قازاقستاننىڭ بۇگىنگى كۇنگە دەيىنگى جەتىستىكتەرىن ءتىزىپ، الداعى جوسپارلاردى اتادى.

ەلباسى جولداۋىن ۇلتتىق تەلەارنالار مەن اقوردانىڭ فەيسبۋكتەگى رەسمي پاراقشاسى تىكەلەي ەفيردە كورسەتەتىن بولادى.

نۇرسۇلتان نازاربايەۆ ءبىلىم ماسەلەسىنە توقتالدى، دەپ حابارلايدى Qamshy.kz اقپارات اگەنتتىگى. بالاباقشا ماسەلەلەرى مەن مەكتەپتەگى مۇعالىمدەرگە جۇكتەلگەن اۋىر جۇمىستى سىنادى.  2019 جىلدان باستاپ مۇعالىمدەر ستاتۋسىنا باسا نازار اۋدارۋ كەرەكتىگىن مالىمدەدى.

«مۇعالىمدەرگە كۇش سالماۋ كەرەك. سايلاۋدى دا جۇرگىزەتىن مۇعالىمدەر، ۇگىت-ناسيحاتتى دا جاسايتىن مۇعالىمدەر. ءبىراق ءبىر دە ءبىر ىسىنە اقشا تولەمەيدى. ال ولار ساباققا دايىندالۋ كەرەك. ونىڭ ۇستىنە بىتپەيتىن تەكسەرىستەردى ازايتۋ كەرەك»، - دەدى ەلباسى.

ەلباسىنىڭ 2017 جىلعى «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى حالىققا جولداۋىندا ەل ەكونوميكاسىن وركەندەتىپ قانا قويماي، ءبىلىمدى دامىتۋ، رۋحانياتىمىزدى جاڭعىرتۋ، قاۋىپسىزدىك شارالارىن كۇشەيتۋ، ءدىني ەكسترەميزمنىڭ الدىن الۋ، قىلمىستىق جازانى وتەپ جاتقان ازاماتتاردى تەولوگيالىق تۇرعىدان ساۋاتتاندىرۋ ماسەلەلەرى ايتىلدى.

مەملەكەت باسشىسى وسكەلەڭ ۇرپاقتى ءوز بەتىمەن ىزدەنۋگە ۇندەپ، وسى باعىتتا وقىتۋ باعدارلامالارىن جەتىلدىرۋدى تاپسىردى. سونىمەن قاتار، ITء-بىلىمدى، قارجىلىق ساۋاتتىلىقتى، ۇلتجاندىلىقتى دامىتۋعا باسا كوڭىل ءبولۋ قاجەتتىگىن ءسوز ەتتى.

ال 2018 جىلى 10 قاڭتاردا «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىن جاريالادى. وندا ءتورتىنشى ونەركاسىپتىك ريەۆوليۋسيا الەمىنە بەيىمدەلۋ مەن جەتىستىككە جەتۋ جولىن تابۋ ءۇشىن نە ىستەۋ قاجەتتىگىن ايقىندادى.  ءۇش ءتىلدى مەڭگەرگەن كەز كەلگەن ەتنيكالىق توپتىڭ وكىلى پرەزيدەنت بولا الاتىنى ايتىلدى. 2018 جىلى زەينەتاقى مەن جاردەماقىنىڭ جانە مۇعالىمدەر جالاقىسىنىڭ نەشە پايىزعا وسەتىنىن حابارلادى.