كوپتەن كۇتكەن ەلباسىنىڭ جولداۋى بۇگىن جاريالانادى. بىرنەشە مينۋت بۇرىن تىكەلەي ەفيردە ءسوز باستاعان نۇرسۇلتان ءابىش ۇلى ءسوزىن ءىرى باستادى ياكي وتاندىق ءونىمدى قولداۋ ماسەلەسىنە بىردەن اكسەنت ءتۇسىردى.
«كوستيۋمدەرىڭدى شەشسەڭدەر، جالاڭاش قالاسىڭدار» دەگەن نازاربايەۆ ءوزى شەتەلدىڭ ەمەس، تەك قازاقستاندىق سانگەرلەردىڭ قولىنان شىققان كيىمدەردى كيەتىنىن ەرەكشە اتاپ ءوتتى. ««قازاقستاندا جاسالعان» دەگەن جازۋدى كورسەڭدەر دە شەتەلدىكىن الاسىڭدار. شەتەلدىكى قىمبات. سوندا دا قىمباتقا جۇگىرەسىڭدەر. قازاقستاندىقتار بايىپ كەتكەن»،- دەپ رەنىشىن بىلدىرگەندەي بولدى ەلباسى.
ايانباي جۇمىس جاساڭدار دەپ شەنەۋنىكتەرگە اقىل-كەڭەسىن ايتتى نۇرسۇلتان ءابىش ۇلى. "سەندەردىڭ قولدارىڭنان ءىس كەلمەسە، شەتەلدىكتەردى الامىن، امەريكالىقتاردىڭ، جاپوندىقتاردىڭ كومەگىنە جۇگىنەمىن" دەپ كەسىپ ايتتى.
ادامنىڭ ومىرىنەن ارتىق نە بار دەپ وي تولعاعان ەلباسى ونكولوگيالىق اۋرۋلاردى ەمدەۋ ءۇشىن قاجەتتى قىمبات تەحنيكانى، اپپاراتتاردى ساتىپ الۋدى بۇيىردى. "جۇرەككە اشىق تۇردە وتا جاسايمىز، ەندىگى كەزەك قاتەرلى ىسىكتە. قاتەرلىك ىسىك ادامنىڭ ءومىرىن جالماۋدان ەكىنشى ورىندا تۇر" دەپ اشىندى.
