بالاباقشا، مەكتەپتەردەگى قاۋىپسىزدىك، ۇستازدار ستاتۋسى، ازاماتاردىڭ شەتەلگە شىقپاي، ەل ىشىندە ەم الۋى، قۇقىق قورعاۋ ورگاندارىنداعى ءتارتىپ، سوتتىڭ ادىلەتتىلىگى، قاراپايىم قازاقتىڭ باسپانالى بولۋى سياقتى ەڭ وزەكتى ماسەلەلەردى كوتەرگەن ەلباسىنىڭ كەزەكتى جولداۋى جاريالاندى.
اقوردانىڭ فەيسبۋك پاراقشاسىندا ەلباسىنىڭ تىكەلەي ەفيرىن تاماشالاعان كورەرمەننىڭ سانى 1900 بولدى. بەينەجازبانىڭ استىنا پىكىر قالدىرعانداردىڭ سانى 779 ەكەندىگىن باسا نازار اۋدارىپ ايتقانىمىز ءجون. ەڭ قىزىعى، ولاردىڭ دەنى - جاستار. ۋاقىت وتە كەلە ساياساتقا، جالپى العاندا، ەل بولاشاعىنا الاڭدايتىن جاستاردىڭ كوبەيگەنى قۋانتادى.
بيىلعى جولداۋدى ەلباسى ەركىن فورماتتا وتكىزگەنى دە ەرەكشە كوزگە ءتۇستى. ءازىل-قالجىڭى ارالاس بولعاندىقتان با، زال بىرنەشە رەت كۇلكىسىن جاسىرا المادى.
