انتاليادا وتكەن 55ء-شى حالىقارالىق كينوفەستيۆال جەڭىمپازدارىنىڭ ەسىمدەرى جاريالاندى، دەپ حابارلايدى  Qamshy.kz اقپارات اگەنتتىگى قازاقپاراتقا سىلتەمە جاساپ. 

بيىلعى انتاليا حالىقارالىق كينوفەستيۆالىنە 10 فيلم، سونىڭ ىشىندە 2 تۇرىك ءفيلمى ۇسىنىلعان، ولاردى 34 مىڭ كورەرمەن تاماشالادى. كەشە، 5 قازان كۇنى فەستيۆال ماراپاتتارىن تابىستاۋ سالتاناتى ءوتتى. «ۇزدىك فيلم» اتالىمىندا يراندىق رەجيسسەر دجافار ءپاناحيدىڭ «ءۇش تۇلعا (Three Faces)» ءفيلمى جەڭىسكە جەتتى.

رەجيسسەردىڭ ءوزى ءۇيقاماقتا بولۋىنا بايلانىستى، جۇلدە ونىڭ قىزىنا تاپسىرىلدى. «ۇزدىك اكتريسا» اتالىمىنىڭ جەڭىمپازى اتاعىنا - «ايكا» فيلمىندەگى ءرولى ءۇشىن سامال ەسلياموۆا لايىقتى دەپ تابىلدى. «ۇزدىك اكتەر» ناگراداسى «كاپەرناۋم» فيلمىندەگى ءرولى ءۇشىن زاين ال-رافەاعا بەرىلدى.

جاپون رەجيسسەرى حيروكادزۋ كورەەدا «دۇكەن ۇرىلارى (Shoplifters)» ءفيلمى ءۇشىن «ۇزدىك رەجيسسەر» اتاندى. امەريكالىق اكتەر ەريك روبەرتسكە «قۇرمەتتى ناگرادا» تابىستالدى. ايتا كەتەيىك، فەستيۆال 29 قىركۇيەك پەن 5 قازان ارالىعىندا ءوتتى.