بۇگىن Islamic Finance Week اياسىندا يسلامدىق قارجىلاندىرۋدىڭ شەبەرلەرى ءوز ويلارىمەن ءبولىستى. ولاردىڭ ىشىندە شەيx ءبيلىل حان دا بار. بۇگىندە ول الەم بويىنشا يسلامدىق قارجىلاندىرۋ بويىنشا ۇزدىك مامانداردىڭ وندىعىنا كىرەدى. «استانا» حالىقارالىق قارجى ورتىلىعى ونى يسلامدىق قارجىلاندىرۋ جونىندەگى كونسۋلتاتيۆتىك كەڭەسكە، سونداي-اق، حالىقارالىق اربيتراج ورتالىعىنىڭ باسقارماسى قۇرامىنا الىپ وتىر، دەپ xابارلايدى Qamshy.kz اقپارات اگەنتتىگى قازاقپاراتقا سىلتەمە جاساي وتىرىپ.
«ارينە، ەڭ باستىسى، يسلامدىق قارجىلاندىرۋ سالاسىنداعى ءشاريعاتتىڭ ءرولىن دۇرىس ءتۇسىنۋ كەرەك. بۇل - وتە ماڭىزدى شارت. كەز كەلگەن ترانزاكسيانىڭ قۇجاتتارى عانا ەمەس، ىشكى قۇرىلىمى دا ءشاريعاتقا ساي كەلە مە، جوق پا، وسىنى جان-جاقتى زەردەلەپ وتىرۋ قاجەت. ايتپەسە، كوبىسى تەxنيكالىق قۇجاتتارعا عانا قارايدى. ال ونىڭ استارىندا نە بار؟ سوعان كوپ ءمان بەرە بەرمەيدى. كەز كەلگەن قۇجاتتىڭ استىرىندا ناقتى ءبىر ماقسات بولادى. سونى تابا ءبىلۋىمىز كەرەك. ال قۇجاتتا جازىلعان ماسەلەلەردىڭ ءبارى ءبىرىڭعاي الەۋمەتتىك-ەكونوميكالىق ماقساتپەن ۇندەسىپ تۇرۋ قاجەت. بالكىم، قۇجاتتا ءبارى دۇرىس جازىلادى. الايدا وندا يسلامدىق قارجىلاندىرۋدىڭ يدەياسى بولماۋى دا مۇمكىن. ال يسلامدىق قارجىلاندىرۋدىڭ باستى ماقساتى - الەۋمەتتىك-ەكونوميكالىق تەڭدىك، ادىلەتتىلىك. مۇمكىندىگى كوپ ادامدار مۇمكىندىگى از ادامدارعا كوسمەكتەسۋى كەرەك. ول دا - نەگىزگى شارتتاردىڭ ءبىرى»، - دەيدى شەيx ءبيلال حان.
ونىڭ ايتۋىنشا، يسلامدىق قارجىلاندىرۋدا ءبارىن ءبىر ادامعا ارتا سالۋعا بولمايدى. بارلىق تاۋەكەلدەر مەن تابىستار تەڭ ءبولىنۋى كەرەك.
«ماسەلەن، بانك يپوتەكا بەرسە، ءوز تابىسىن ويلاپ قانا قويماي، قارىز العان ادامنىڭ جاعدايىن دا ويلاۋى قاجەت. ايتپەسە، قارجى ينستيتۋتتارىنىڭ كوبىسى تەك اقشا جاعىن عانا ويلايدى. يسلامدىق قارجىلاندىرۋ بويىنشا بارلىق تاۋەكەلدەر مەن تابىستار تەڭ ءبولىنۋى كەرەك. ءيا، بانك ءوز ونىمدەرىن اراب تىلىندە اتاپ، يسلامدىق قارجىلاندىرۋ رەتىندە ۇسىنۋى مۇمكىن. ءبىراق تاۋەكەلدەر تەڭ بولىنبەسە، ونى يسلامدىق قارجىلاندىرۋ دەپ اتاۋعا بولمايدى. اشىعىن ايتۋ كەرەك، بۇگىندە ادامدار ءداستۇرلى قارجىلاندىرۋدان شارشادى. سەبەبى قازىرگى بانك جۇيەسىندە سپەكۋلياتيۆتى ارەكەتتەر كوپ. اقشا اينالىپ تۇرادى. ءبىراق ونىڭ استارىندا اكتيۆ جوق. ال يسلامدىق قارجىلاندىرۋدا xالىقتىڭ ءال-اۋقاتىنا باسا نازار اۋدارىلادى. جاۋاپكەرشىلىك تە قاتتى»، - دەپ اتاپ كورسەتتى شەيx ءبيلال حان.
ايتا كەتەيىك، استانا يسلامدىق قارجىلاندىرۋعا ارنالعان «Islamic Finance Week» شاراسى وتۋدە. اپتالىق 10 قازانعا دەيىن جالعاسادى. سونىڭ اياسىندا يسلامدىق قارجىلاندارۋعا ارنالعان سان الۋان شارالار - سەمينارلار، وقىتۋ كۋرستارى مەن دارىستەر ءوتىپ جاتىر. نەگىزگى ماقسات - يسلامدىق قارجىلاندىرۋدىڭ ءمان-ماڭىزىن ءتۇسىندىرۋ، وسى سالادا بىلىكتى مامانداردى دايارلاۋ. اپتالىقتىڭ ۇيىمداستىرۋشىسى - «استانا» حالىقارالىق قارجى ورتالىعى.
