جەمقورلىق تۋرالى سيۋجەت جاساپ، اشىق تۇردە اقپارات تاراتقان بولگاريالىق جۋرناليست ءولى كۇيىندە تابىلدى دەپ جازادى Qamshy.kz اقپارات اگەنتتىگى شەتەلدىك باق-تىڭ دەرەگىن نەگىزگە الىپ. ۆيكتوريا مارينوۆا اتتى تەلەجۇرگىزۋشىنىڭ ءمايىتى جارتىلاي جالاڭاش كۇيىندە ساياباقتان تابىلعان. ونىڭ دەنەسىندە تۇنشىقتىرۋدىڭ ناتيجەسىندە قالعان قولدىڭ ىزدەرى مەن ءتۇرلى دەنە جاراقاتتارى بار. سونىمەن بىرگە باسىنان قاتتى سوققى العان. ساراپتاما قورىتىندىسىنىڭ ناتيجەسىنە سۇيەنسەك، 30 جاستاعى تەلەجۇرگىزۋشىسى زورلىقتىڭ قۇربانى بولىپتى. 

ال بولگاريانىڭ پرەمەر-مينيسترى قىلمىس بولعان جەردە ءتۇرلى ىزدەر بارىن، ال قىلمىسكەردى قولعا ءتۇسىرۋ ۋاقىت ەنشىسىندەگى دۇنيە ەكەنىن ايتتى.

ءقازىر اتالعان قىلمىس بويىنشا تەرگەۋ جۇمىستارى جۇرگىزىلىپ جاتىر. ال حالىقارالىق ۇيىم بولگاريا بيلىگىنەن قىلمىسكەردى تەز ارادا تابۋدى تالاپ ەتتى.