استانادا ماس پوليسەي جاياۋ جۇرگىنشىنى قاعىپ كەتتى، - دەپ حابارلايدى Tengrinews.kz.

ق ر ءىىم رەسمي وكىلى الماس سادۋبايەۆ بۇل مالىمەتتى راستادى.

سادۋبايەۆتىڭ ايتۋىنشا، استانادا 7 قازاندا پوليسيا قىزمەتكەرى ماس كۇيدە جەكە كولىگىمەن جاياۋ جۇرگىنشىنى قاعىپ كەتتى. «پوليسەي وقيعا ورنىنان قاشىپ كەتكەن. زارداپ شەككەن ادام اۋىر حالدە اۋرۋحاناعا جەتكىزىلدى. جول اپاتىنا كىنالى ادام سول كۇنى انىقتالىپ، ۇستالدى. ادام قاعىپ كەتكەننەن كەيىنگى ونىڭ ارەكەتى جانە ىشكى ىستەر ورگانىندا قىزمەت ەتەتىنى پروسەسس مۇشەلەرىنە اسەر ەتپەۋى ءۇشىن سوت سانكسياسىمەن ول ەكى اي مەرزىمگە قاماۋعا الىندى»، - دەدى ءىىد وكىلى.

مينيسترلىك مالىمەتىنشە، سوتقا دەيىنگى تەرگەۋ شارالارى ق ر قىلمىستىق كودەكسىنىڭ 345-بابى جانە 347-بابى بويىنشا جۇرگىزىلىپ جاتىر.

«سونىمەن قاتار ىشكى تەكسەرۋ تاعايىندالدى، سونىڭ ناتيجەسىندە پوليسەيدىڭ باسشىلارى تارتىپتىك جاۋاپكەرشىلىككە تارتىلادى نە جۇمىستان بوساتىلادى»، - دەدى ءىىم رەسمي وكىلى. وسى كاتەگوريا بويىنشا: « اقمولا وبلىسىندا جىلۋ قازاندىعى جارىلىپ، 1 ايەل مەن 5 بالا زارداپ شەكتى استانادا 15 مەكتەپ ديرەكتورى جازالاندى »