كەزدەسۋ بارىسىندا مەملەكەت باسشىسىنا نيۋ-يورك جانە لوندون قالالارىندا وتكەن ينۆەستيسيالىق فورۋمداردىڭ قورىتىندىلارى جونىندە ەسەپ بەرىلدى، دەپ حابارلايدى Qamshy.kz اقپارات اگەنتتىگى اقورداعا سىلتەمە جاساپ.
اسقار جۇماعالييەۆ الەۋەتتى شەتەلدىك ينۆەستورلار ءۇشىن ءبىرقاتار پانەلدى سەسسيا وتكىزىلگەنى جونىندە مالىمدەدى. بۇل باسقوسۋلاردا قازاقستانداعى جەكەشەلەندىرۋ ۇدەرىسى، ەكونوميكانىڭ جەكەلەگەن سەكتورلارىنا ينۆەستيسيا سالۋ، ۇلى جىبەك جولىن جاڭعىرتۋ، كولىك لوگيستيكاسىن دامىتۋ جايى، سونداي-اق سيفرلاندىرۋداعى يننوۆاسيانىڭ ءرولى مەن «استانا» حالىقارالىق قارجى ورتالىعىنىڭ قىزمەتى تۋرالى ماسەلەلەر تالقىلاندى.
سونىمەن قاتار، پرەمەر-مينيستردىڭ ورىنباسارى مەملەكەت باسشىسىنا ينۆەستيسيالىق فورۋمدار اياسىندا وتكەن ەكى جاقتى كەزدەسۋلەردىڭ ناتيجەلەرىن باياندادى.
نۇرسۇلتان نازاربايەۆ كەزدەسۋ سوڭىندا ءبىرقاتار ناقتى تاپسىرما بەردى.
