بەرىك ءۋالي ءوزىنىڭ Facebook پاراقشاسىندا تاراز قالاسىنداعى "جەڭىس" ساياباعىندا كوڭىل ايتۋ ورنى اشىلعانىن حابارلادى.
"الاشتىڭ اردا ازاماتى، قازاق ادەبيەتىنىڭ كورنەكتى وكىلى، ۇلتىمىزدىڭ اياۋلى پەرزەنتى، قوعام قايراتكەرى، قازاقستاننىڭ حالىق جازۋشىسى، جامبىل وبلىسىنىڭ تۋماسى شەرحان مۇرتازانىڭ قازاسىنا قايعىرىپ، باقيلىق بولعان حالىق سۇيىكتىسىن قۇرمەتپەن ەسكە العىسى كەلگەن جامبىلدىق تۇرعىندار ءۇشىن تاراز قالاسىنداعى باۋىرجان مومىش ۇلى اتىنداعى "جەڭىس" ساياباعىندا كوڭىل ايتۋ ورنى اشىلدى. وندا ايگىلى جازۋشىنىڭ پورترەتى قويىلىپ، گۇل شوقتارىن قويام دەۋشىلەر ءۇشىن ارنايى ورىن ازىرلەنگەن.
ەستەرىڭىزگە سالا كەتەيىك، حالىق جازۋشىسى، قوعام قايراتكەرى شەرحان مۇراتازانى اقتىق ساپارعا شىعارىپ سالۋ ءراسىمى 11 قازان كۇنى الماتى قالاسىندا وتەدى. ال، تاراز قالاسىنىڭ تۇرعىندارى مەن قوناقتارى 11 قازان كۇنى تاڭعى ساعات 10.00-دەن باستاپ "جەڭىس" ساياباعىنداعى كوڭىل ايتۋ ورنىنا بارىپ، گۇل شوقتارىن قويا الادى" دەپ جازدى بەرىك ءۋالي.
