الماتىلىق كاسىپكەر باقىت نيازوۆ تالعات مۇسابايەۆتان قىسىم كورىپ، ال ونىڭ تۋعان جيەنى رەيدەرلىكپەن اينالىسىپ جاتقانىن ايتادى. گۇلنار مۇسابايەۆا مەن ونىڭ كۇيەۋى ۆيكتور موروزوۆ قازاقستاندىق بانكتەرگە ميلليارد دوللاردان استام قارجى قارىز. ەندى قازاقستاندىق ينۆەستور باقىت نيازوۆتىڭ بيزنەسىن تارتىپ الماق، دەپ حابارلايدى Qamshy.kz اقپارات اگەنتتىگى ينفورمبيۋروعا سىلتەمە جاساپ.

جاقىن ۋاقىتتا الماتىنىڭ تاۋ بوكتەرىندە سالىنعان يننوۆاسيالىق تۇرعىن ۇيگە ادامدار كوشىپ كەلۋ كەرەك. جوبا ارنايى جاس جۇبايلار ءۇشىن سالىنعان. ءبىراق باقىت نيازوۆ ءوز كاسىبىن جوعالتىپ الامىن دەپ قورقىپ ءجۇر. ونىڭ ايتۋىنشا، سەرىكتەسى ىقپالدى تۋىسى – تالعات مۇسابايەۆتىڭ اتىن جامىلىپ بيزنەستى قولدى قىلماق ويى بار.

– «سۋ قۇبىرىن كەسىپ تاستايمىز، گاز قۇبىرىن جارامىز. ورتەيمىز. قۇقىق قورعاۋ ورگاندارىندا ماسەلە تۋدىرامىز» دەگەن سوزدەردى كۇندە ەستيمىز. حات تۇرىندە دە، اۋىزشا دا كۇندە قورقىتادى. مۇسابايەۆتار وتباسىنىڭ قورقىتقان قاعازدارى ءبىر بۋما بولىپ ساقتالىپ تۇر، - دەيدى الماتىلىق كاسىپكەر.

بۇل وقيعا 2013 جىلى باستالدى. ول كەزدە باقىت نيازوۆ 300 ميلليون تەڭگەنى تاۋن-حاۋس قۇرىلىسىنا قۇيعان. جەردىڭ يەسى عارىشكەردىڭ جيەنى گۇلنار مۇسابايەۆا جانە ونىڭ كۇيەۋى ۆيكتور موروزوۆ. قۇرىلىس جۇمىستارى جۇرگىزىلمەدى، نيازوۆقا اقشا قايتارىلمادى. ءتورت جىل وتكەننەن كەيىن تالعات مۇسابايەۆتىڭ تۋىستارى اراب امىرلىكتەرىنەن تابىلدى. 2016 جىلى الماتىلىق كاسىپكەر ەرلى زايىپتىعا ءوز ۇلەسىن ساتىپ الىپ بونۋس رەتىندە بىرنەشە پاتەر بەرەتىنىن ايتقان. كەلىسىم شارتقا قول قويىلدى، ءبىراق جوبا ساتىپ الۋشىلار اراسىندا قىزىعۋشىلىق تۋدىرعاننان كەيىن مۇسابايەۆ پەن موروزوۆ شارتتاردى قايتا قاراپ، بيزنەسمەننەن ەكى ميلليون دوللار بەرۋىن تالاپ ەتكەن.

باقىت نيازوۆتىڭ ايتۋىنشا، مۇسابايەۆتىڭ جيەنى پاتەردىڭ بولاشاق يەلەرىن قورقىتىپ، ايماققا كىرۋ جولىن جاۋىپ، سوتقا ارىز ءتۇسىرىپ، جان-جاقتان قىسىم كورسەتىپ وتىر. 

كاسىپكەر تالعات مۇسابايەۆقا دا حات جازعان ەكەن. امالى تاۋسىلعان باقىت نيازوۆ پوليسياعا شاعىمدانۋعا ءماجبۇر بولعان. 

«Mountain Drive» كومپانياسىنىڭ ديرەكتورى داۋد ميستويەۆتىڭ ايتۋىنشا، شاعىم ءتۇسىرىلدى، وعان قوسىمشا رەتىندە بارلىق قۇجات قوسا بەرىلدى. ءبىراق بىزگە «قىلمىس قۇرامى جوق» دەگەن جاۋاپ كەلدى. بەلگىلى فاميلياعا بايلانىستا ما، بىلمەيمىن.

جۋرناليستەر ق ر پارلامەنت سەناتى دەپۋتاتىنان جاۋاپ الۋعا تىرىستى. تالعات مۇسابايەۆ تۋىستارىنىڭ قارىزى تۋرالى بىلمەيتىنىن جانە "الماتى سوتىنا ەشقانداي قىسىم كورسەتىپ جاتقان جوقپىن" قىسقا قايىردى.

قازاقستاندىق ب ا ق 2006 جىلدان بەرى كرەديت بويىنشا قازاقستاندىق بانكتەرگە 1،5 ميلليارد دوللار قارىز مۇسابايەۆتىڭ تۋىستارىنىڭ «Algabas Development» ج ش س -سى بار ەكەنىن انىقتاعان.