ق ر ۇلتتىق ەكونوميكا مينيسترلىگىنىڭ ستاتيستيكا كوميتەتى  قازاقستاندىقتاردىڭ قىركۇيەكتەگى ورتاشا جالاقىسىن اتادى، دەپ حابارلايدى Qamshy.kz اقپارات اگەنتتىگى Sputnik قازاقستان سايتىنىڭ دەرەگىن نەگىزگە الىپ.

2018 جىلدىڭ قىركۇيەگىندە ءبىر قىزمەتكەردىڭ ورتاشا ايلىق اتاۋلى جالاقىسى باعالاۋ بويىنشا 160 555 تەڭگەنى قۇرادى.

"2018 جىلدىڭ تامىزىندا حالىقتىڭ ورتا ەسەپپەن جان باسىنا شاققانداعى اتاۋلى اقشالاي تابىستارى باعالاۋ بويىنشا 89 338 تەڭگەنى قۇرادى، بۇل 2017 جىلعى تامىزعا قاراعاندا 8،1% جوعارى، ال ناقتى اقشالاي تابىس كورسەتىلگەن كەزەڭدە 2% جوعارىلادى"، — دەپ جازىلعان حابارلامادا. 

ايتا كەتەيىك، قىركۇيەكتە جۇمىسسىزدار سانى 441،9 مىڭ ادامدى قۇراعان. 146،8 مىڭ ادام جۇمىسپەن قامتۋ ورگاندارىندا جۇمىسسىز رەتىندە تىركەۋدە تۇر ەكەن.   

ەستەرىڭىزگە سالساق، قازاقستان پرەزيدەنتى نۇرسۇلتان نازاربايەۆ بيىلعى حالىققا جولداۋى كەزىندە ۇكىمەتكە 2019 جىلدىڭ 1 قاڭتارىنان باستاپ ەڭ تومەنگى جالاقىنى 1،5 ەسە، ياعني 28 مىڭنان 42 مىڭعا دەيىن ءوسىرۋدى تاپسىردى. ياعني بارلىق سالا بويىنشا كاسىپورىنداردا جۇمىس ىستەيتىن 1 ميلليون 300 مىڭ ادامنىڭ ەڭبەكاقىسى وسەدى. 

وسىلايشا بيۋدجەتتىك مەكەمەلەردە جۇمىس ىستەيتىن 275 مىڭ قىزمەتكەردىڭ جالاقىسى شامامەن 35%-كە ارتادى. وسى ماقساتقا قول جەتكىزۋ ءۇشىن 2019-2021 جىلدارى بيۋدجەتتەن جىل سايىن 96 ميلليارد تەڭگە بولىنەدى دەپ جوسپارلانۋدا.