سىبايلاس جەمقورلىققا قارسى كۇرەس بويىنشا ۇلتتىق بيۋرو وزبەكستانداعى قازاقستاننىڭ ەلشىسى بيۋدجەتكە تيەسىلى قوماقتى قارجىنى ءوز قالتاسىنا باسقانىن انىقتادى دەپ حابارلايدى Qamshy.kz اقپارات اگەنتتىگى.
مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى جاننا باستاروۆانىڭ ايتۋىنشا، اتالمىش ازامات ءوزىنىڭ جوعارى لاۋازىمىن پايدالانا وتىرىپ، وزبەكستاندا قازاقستان ەلشىلىگىنىڭ عيماراتىنىڭ قۇرىلىسى بويىنشا اتقارىلعان ىستەر بويىنشا جالعان اكتىگە قول قويعان. زاڭعا قايشى ىس-ارەكەتىنىڭ ناتيجەسىندە 140 ملن تەڭگەدەن استام سوما زيان كەلگەن.
