جارتى جىل بۇرىن قازاقستاندا «7-20-25» اتتى جاڭا باعدارلاما ىسكە قوسىلدى.  باعدارلاماعا سايكەس، تۇرعىندار ءتيىمدى جولمەن جەكە پاتەرگە قول جەتكىزە الادى. قىركۇيەكتەن باستاپ باعدارلاماعا Halyk Bank اتسالىسا باستادى، وتە جاقىن ۋاقىتتا باقىتتى جاندار پاتەرلەرىنىڭ كىلتىن قولىنا الماق.

Halyk Bank بولشەك بيزنەس دەپارتامەنتىنىڭ ديرەكتورى دينارا امانبايەۆانىڭ سوزىنە قاراعاندا، جىلدىڭ سوڭىنا دەيىن بانك قارجى سوماسى 3،3 ميلليارد تەڭگە كولەمىندە 200-250 قارىز بەرۋدى جوسپارلاپ وتىر. ءارى دينارا حانىم «7-20-25» باعدارلاماسى ارقىلى Halyk Bank-تەن ءۇي الۋ اسا ءتيىمدى ەكەنىن ەسكەردى.

پوتەنسيالدىق قارىز الۋشىعا قويىلاتىن تالاپتار دا قاتال ەمەس: قازاقستاننىڭ ازاماتى بولۋى ءتيىس، رەسمي تابىسى – 120 مىڭنان 200 مىڭعا دەيىن، جەكە پاتەرى بولماۋى شارت، جاسى كەم دەگەندە 21-دە جانە 60-تان اسپاعان.

ءوتىنىشتى قاراردا نەسيە تاريحى دا ەسەپكە الىنادى: نەسيەنى ۋاقىتىلى تولەۋى، قازىرگى ۋاقىتتا تولەپ جاتقان نەسيە – ءبارى قارالادى.

«ەگەر كليەنتتىڭ تابىسى جەتپەي قالسا، يپوتەكالىق قارىزدى راسىمدەۋ ءۇشىن وتباسى مۇشەلەرىنىڭ ءبىرى قوسالقى قارىز الۋشى رەتىندە قاتىسا الادى.  قارىز الۋشىعا قويىلاتىن تالاپ تا ادەتتەگىدەي – نەسيە تاريحىنىڭ جاقسى بولۋى، قارىزدارىن جىلدام ءارى ۋاقىتىلى جاۋىپ وتىرۋى. ءارى قوسالقى قارىز الۋشىنىڭ دا جەكە باسىندا پاتەرى بولماۋى ءتيىس»، - دەدى Halyk Bank بولشەك بيزنەس دەپارتامەنتىنىڭ ديرەكتورى دينارا امانبايەۆا.

باعدارلاما ارقىلى الۋعا بولاتىن پاتەرگە دە مىناداي تالاپتار قويىلادى: ونىڭ العاشقى ياعني جاڭا بولۋى، قۇرىلىس كومپانياسىنا تيەسىلى بولۋى جانە پايدالانۋعا بەرىلەتىن پاتەر بولۋى كەرەك. بۇعان قوسا پاتەردىڭ قۇنى 25 ميلليون تەڭگەدەن جوعارى بولۋى شارت.

سونىمەن قاتار، بانك وكىلدەرى قارىز بويىنشا اي سايىنعى تولەيتىن قارجى سوماسىن 10-12 ميلليون تەڭگەگە ەسەپتەدى. ول 71-85 مىڭ تەڭگەنى قۇرادى، الماتىدا ەكى بولمەلى پاتەرگە جالداپ تولەيتىن سومادان تومەن ەكەنىن ايتادى. وسىلايشا، جەكە پاتەرگە يە بولعان جاس وتباسىلار مەن ورتاشا جالاقى الاتىن ازاماتتار جالدامالى پاتەرگە بەرەتىن اقشادان از سومانى تولەيتىن بولادى. سونداي-اق قارىز الۋشى Halyk Bank-كە دە قىزمەت ءۇشىن ارتقى اقشا تولەمەيدى.

«وزگەگە تولەگەنشە، وزىڭە تولەگەنىڭ مىڭ ەسە ارتىق. ءارى «7-20-25» باعدارلاماسى الدەقايدا ءتيىمدى»، - دەدى دينارا امانبايەۆا. بانكيردىڭ سوزىنشە، نەسيەگە ارىز بەرۋشىلەردىڭ ءوتىنىشى جىلدام قارالادى، ال باعدارلامانىڭ شارتتارى جايلى Halyk Bank- تىڭ رەسپۋبليكاداعى 634 بولىمشەسىنەن سۇراپ بىلۋگە بولادى. نەبارى ازعانتاي قۇجاتتاردى جيناپ، قارىزدى راسىمدەۋگە عانا ۋاقىتىڭىز كەتەدى. الايدا پاتەر الاردا تۇرعىن ءۇي باعدارلاماسىنىڭ ءتيىمدى شارتتارىن تاڭداردا سۇراقتار تۋىنداۋى مۇمكىن. مۇنداي جاعدايدا Halyk Bank وزىمەن جۇمىس ىستەيتىن سەرىكتەر قۇرىلىس كومپانيالارىن ۇسىنا الادى. ماسەلەن، الماتى قالاسىندا «وركەندەۋ»، «ءحان-تاڭىرى» سەكىلدى تۇرعىن ءۇي كەشەندەرى بار.

مەملەكەتتىك باعدارلاماعا قوسىمشا رەتىندە، بانك Halyk Bank جالاقى جوباسىنىڭ قاتىسۋشىلارى ءۇشىن جەڭىلدىكتەر جاساۋدى جالعاستىرادى. ماسەلەن، Halyk Sale باعدارلاماسى ارقىلى قارىز الۋشى بانك بالانسىنا تيەسىلى نەسيە مولشەرلەمەسى جىلدىق 8 پايىزدان باستالاتىن مۇلىكتى الا الادى، . بانك بالانسىندا «7-20-25» باعدارلاماسى بويىنشا ساتىپ الۋعا بولاتىن ءبىرىنشى دەڭگەيدەگى پاتەرلەر دە بار.

باعدارلاما ىسكە قوسىلعالى بانك العاشقى 20 ءوتىنىشتى قارادى، قارىز الۋشىلار نەسيەنىڭ ماقۇلدانۋىن كۇتىپ وتىر. «ارماندارى ورىندالىپ، جەكە پاتەرىنە كىرەتىن ۋاقىتقا دا از قالدى»، - دەدى امانبايەۆا.

ايتا كەتەيىك، بۇعان دەيىن ق ر ۇلتتىق بانكى «7-20-25» باعدارلاماسىنا قاتىساتىن سەرىكتەس بانكتەردى اتاپ شىققان. ولار: بانك سەنتركرەديت، ەۋرازيا بانكى، اتف بانك، RBK بانكى، سەسنا بانك، تۇرعىن ءۇي قۇرىلىس جيناق بانكى جانە حالىق بانكى. ال جىل سوڭىنا دەيىن سبەربانك پەن Forte bank قوسىلۋى مۇمكىن.

باعدارلاما بويىنشا جىلىنا 7 پايىز ۇستەمەمەن 25 جىلعا بەرىلەدى. العاشقى جارنا – 20پايىز.

جاڭا يپوتەكالىق قارىزدى قازاقستان رەسپۋبليكاسىنىڭ كەز كەلگەن ازاماتى الا الادى. تەك باسىندا جىلجىمايتىن مۇلكى بولماۋى شارت. باعدارلاما بويىنشا قازاقستاننىڭ كەز كەلگەن وڭىرىنەن الماتى، استانا، اتىراۋ قالالارىنان ەڭ ماكسيمالدى 25 ميلليون تەڭگەگە، قالعان وڭىرلەردە 15 ميلليون تەڭگەدەن باسپانا ساتىپ الۋعا بولادى.