«سيفرلىق قازاقستان» مەملەكەتتىك باعدارلاماسىنىڭ ماقساتى – مەملەكەتىمىزدىڭ ەكونوميكالىق دامۋىنىڭ قارقىنىن تەزدەتۋ جانە سيفرلىق تەحنولوگيالار ارقىلى ەل تۇرعىندارىنىڭ ءومىر ءسۇرۋ ساپاسىن جاقسارتۋ بولىپ تابىلادى. وسىنى جۇزەگە اسىرۋ ءۇشىن تەلەكوممۋنيكاسيالىق ينفراقۇرىلىمدى جاقسارتۋ قاجەت. وسىعان وراي مينيسترلىكپەن ءبىرقاتار جوبالار جۇزەگە اسىرىلىپ جاتىر (كجق، لتە، 5G).
«قازاقستان رەسپۋبليكاسىنىڭ اۋىلدىق ەلدى مەكەندەرىن تالشىقتى-وپتيكالىق بايلانىس جەلىلەرى تەحنولوگياسى بويىنشا كەڭجولاقتى قولجەتىمدىلىكپەن قامتاماسىز ەتۋ» مەملەكەتتىك-جەكەشەلىك ارىپتەستىك جوباسى بويىنشا
اتالعان جوبانىڭ الەۋمەتتىك ماڭىزدى، ۇزاق مەرزىمدى (14 جىل)، رەسپۋبليكا بويىنشا انالوگى جوق جوبا ەكەندىگىن ەسكەرە وتىرىپ مينيسترلىك Kazakhstan Project Preparation Fund كومپانياسىن تارتتى. بۇل كومپانيا مەملەكەتتىك-جەكەشەلىك ارىپتەستىك شارتىنىڭ 14 جىل ىشىندە مەملەكەتتىڭ جانە كورسەتىلەتىن قىزمەتتى الۋشىلاردىڭ تاۋەكەلدەرىن بارىنشا ازايتۋ ماقساتىندا كونسۋلتاسيالىق قولداۋدى جۇزەگە اسىرادى.
ءقازىر مينيسترلىك كونكۋرستىق كوميسسيا مۇشەلەرىمەن، جەكە ارىپتەستەرمەن جانە Kazakhstan Project Preparation Fund كومپانياسىمەن بىرگە مەملەكەتتىك-جەكەشەلىك ارىپتەستىك شارتتارىنىڭ تاۋەكەلدەرى بويىنشا قارقىندى جانە جان-جاقتى تالقىلاۋ جۇرگىزىپ جاتىر.
اتالعان جوبانى ىسكە اسىرۋ تالشىقتى-وپتيكالىق بايلانىس جەلىلەرى تەحنولوگياسىن قولدانۋمەن ەلىمىزدەگى 1 249 اۋىلداعى مەملەكەتتىك ورگانداردى جانە بيۋدجەتتىك مەكەمەلەردى بايلانىس جەلىسىنە قوسۋعا مۇمكىندىك بەرەدى، بايلانىس ارنالارىنىڭ وتكىزۋ قابىلەتى كەمىندە سەكۋندىنا 50 مەگابيتتى قۇرايتىن بولادى. بۇل قالا مەن اۋىل اراسىنداعى سيفرلىق تەڭسىزدىكتى جويۋعا مۇمكىندىك جاسايدى.
LTE/WLL تەحنولوگيالارىن پايدالانا وتىرىپ، سىمسىز راديوعا قول جەتكىزۋ جەلىلەرىن قۇرۋ بويىنشا، اۋىلدىق جەرلەردە
2018 جىلدىڭ 11ء-شى ساۋىرىندە راديوجيىلىكتەر جونىندەگى ۆەدومستۆوارالىق كوميسسيا وتىرىسى ءوتتى. ونىڭ قورىتىندىلارى بويىنشا «ۆوستوكتەلەكوم» ج ش س حالىق سانى 50 جانە ودان دا جوعارى اۋىلدىق ەلدى مەكەندەردە LTE/WLL جانە باسقا دا تەحنولوگيالاردى پايدالانا وتىرىپ سىمسىز راديوعا قول جەتكىزۋ جەلىسىن سالۋ ءۇشىن 791-801/835-842 مگس (مەگاگەرس) دياپازونداعى جيىلىكتەردى ءبولۋ تۋرالى شەشىم قابىلداندى.
وسى ءىس-شارانىڭ شەڭبەرىندە «قازاقتەلەكوم» اكسيونەرلىك قوعامى («ۆوستوكتەلەكوم» ج ش س) 2021 جىلدىڭ سوڭىنا دەيىن حالىق سانى 7 ميلليون 622 مىڭ 927 ادامدى قۇرايتىن 6 212 ەلدى مەكەندى ينتەرنەتكە كەڭجولاقتى قولجەتىمدىلىكپەن قامتاماسىز ەتۋ جوسپارلانعان.
وسىلايشا، 6 212 ەلدى مەكەننەن:
1) 2019 جىلدان باستاپ 2021 جىلعا دەيىن حالىق سانى 5 ميلليون 209 مىڭ 349 ادامدى قۇرايتىن 3 166 ەلدى مەكەندى LTE/WLL تەحنولوگياسى ارقىلى ينتەرنەتكە كەڭجولاقتى قولجەتىمدىلىكپەن قامتاماسىز ەتۋ جوسپارلانىپ وتىر. (جىلدامدىعى كەمىندە 2 مبيت/س).
2) ال حالىق سانى 2 ميلليون 413 مىڭ 578 ادامنان تۇراتىن 3 046 ەلدى مەكەندى قولدانىستاعى جەلىلەردى جاڭارتۋ شەڭبەرىندە قامتاماسىز ەتۋ جوسپارلانعان. (جىلدامدىعى كەمىندە 1،5 مبيت/س).
بۇگىنگى تاڭدا سىمسىز راديوعا قول جەتكىزۋ جەلىسىن سالۋدى باستاۋ ءۇشىن دايىندىق جۇمىستارى اياسىندا بازالىق LTE/WLL ستانسيالارىنىڭ سانىن ايقىنداپ، ەسەپتىك جوسپارلاۋ جۇرگىزىلىپ جاتىر.
وسى ءىس-شارا اياسىندا 2021 جىلدىڭ سوڭىنا دەيىن 6 212 ەلدى مەكەن جوعارعى جىلدامدىقتى ينتەرنەتپەن قامتىلادى. حالىق سيفرلىق قىزمەتتەرگە قول جەتكىزەدى. اۋىل تۇرعىندارى ەلەكتروندىق مەملەكەتتىك قىزمەتتەردى ەركىن الادى. ەلەكتروندىق ساۋدا قۇرالدارىن، سونداي-اق سيفرلىق قازاقستان باعدارلاماسىنىڭ بارلىق مۇمكىندىكتەرىن پايدالانادى.
ءىى. 5G جوباسىنىڭ مارتەبەسى بويىنشا
5G ۇيالى بايلانىسىن قازاقستان رەسپۋبليكاسىنىڭ اۋماعىنا ەنگىزۋ حالىقارالىق ەلەكتروبايلانىس وداعىنىڭ 5G ستاندارتىن قابىلدانعاننان كەيىن مۇمكىن بولادى.
حالىقارالىق ەلەكتروبايلانىس وداعى 5G ستاندارتىن قابىلداعاننان كەيىن عانا تەلەكوممۋنيكاسيالىق جابدىقتاردىڭ وندىرۋشىلەرى قابىلدانعان ستاندارت بويىنشا جۇمىس ىستەيتىن ءتيىستى قۇرىلعىلاردى جاپپاي ءوندىرۋدى باستايدى. ءوز كەزەگىندە مينيسترلىك 2019 جىلدىڭ 2 توقسانىندا 5G ۇيالى بايلانىس تەحنولوگياسىن پيلوتتىق تەستىلەۋدەن وتكىزۋدى جوسپارلاپ وتىر.
5G ۇيالى بايلانىسىن پيلوتتىق تەستىلەۋ ءۇشىن مينيسترلىك جيىلىكتەردى ىرىكتەۋ جۇمىسىن استانا، الماتى قالالارىندا جانە اقمولا، الماتى وبلىستارىندا جۇرگىزىپ جاتىر.
مينيسترلىك جۋىق ارادا 5G ءموبيلدى بايلانىس تەحنولوگياسىن پيلوتتىق تەستىلەۋدەن وتكىزۋ ءۇشىن بايلانىس وپەراتورىن انىقتاۋى قاجەت.
ءىىى. دەرەكتەردى وڭدەۋ ورتالىقتارى
2010 جىلدىڭ تامىزىنان باستاپ مەملەكەتتىك ورگانداردىڭ سەرۆەرلىك ورتالىعى ونەركاسىپتىك پايدالانۋعا بەرىلدى.
قولدا بار سەرۆەر ورتالىعىنىڭ قولدانۋ مەرزىمىنىڭ ارتۋىنا (قازىرگى ۋاقىتتا 5 جىلدان استام قۇرايدى) جانە ينفراقۇرىلىمنىڭ توزۋىنا بايلانىستى تەحنوگەندىك سيپاتتاعى توتەنشە جاعدايلاردىڭ تۋىنداۋ تاۋەكەلى (ريسك) ارتىپ كەلەدى. سەرۆەر ورتالىعىنىڭ جوبالىق قۋاتى – 145 تىرەك ورىنداردان تۇرادى. وسىلايشا تەحنولوگيالىق زاپاسپەن قامتاماسىز ەتىلۋى ءتيىس. مەملەكەتتىك ورگانداردىڭ وڭدەلەتىن، ساقتالاتىن جانە بەرىلەتىن اقپارات كولەمىنىڭ جىل سايىن ۇلعايۋىنا بايلانىستى، بولاشاقتا سەرۆەر ورتالىعىندا رەسۋرستار مەن كەڭىستىكتىڭ بولماۋ ءقاۋپى بار.
كوممەرسيالىق دەرەكتەردى وڭدەۋ ورتالىقتارىندا مەملەكەتتىك ورگانداردىڭ اقپاراتتىق جۇيەلەرىن ورنالاستىرۋ ءۇشىن اقپاراتتاندىرۋ وبەكتىلەرىن ەكى توپقا ءبولۋ ۇسىنىلادى.
سەنىمدىلىكتىڭ، اقاۋلارعا توزىمدىلىكتىڭ جانە اقپارات قاۋىپسىزدىگىنىڭ جوعارى تالاپتارى قويىلاتىن 1-كلاسستاعى اقپاراتتىق جۇيەلەر سەرۆەرلىك ورتالىقتا ورنالاسادى.
2ء-شى جانە 3ء-شى كلاسسقا جاتاتىن جانە جۇمىس ىستەۋىنىڭ بۇزىلۋى نەمەسە توقتاتىلۋى توتەنشە الەۋمەتتىك جاعدايعا نەمەسە زارداپتارعا اكەپ سوقپايتىن اقپاراتتىق جۇيەلەردى كوممەرسيالىق دەرەكتەردى وڭدەۋ ورتالىقتارىندا ورنالاستىرۋ قاراستىرىلعان.
ۇلكەن دەرەكتەردىڭ تەحنولوگيالىق ءاناليزىن قۇرۋ
قازىرگى ۋاقىتتا تەحنولوگيالىق ورتالىقتىڭ قۇرىلىسى مەملەكەتتىك ورگان اقپاراتتىق رەسۋرستارىنىڭ ودان ءارى ۇزدىكسىز جۇمىسىن قامتاماسىز ەتۋ ءۇشىن اسا ماڭىزدى.
جوبا قازاقستان رەسپۋبليكاسىنىڭ ەلەكتروندىق ۇكىمەتىن دامىتۋ ءۇشىن ينفراقۇرىلىمدىق الاڭعا اينالادى جانە اۋقىمدى دەرەكتەرگە تالداۋ جۇرگىزۋگە ارنالعان، سونىمەن قاتار 1 كلاستى مەملەكەتتىك ورگانداردىڭ اقپاراتتىق جۇيەسى ورنالاستىرىلاتىن بولادى جانە «سيفرلىق قازاقستان» مەملەكەتتىك باعدارلاماسىنىڭ شارالار جوسپارىنان سيفرلاندىرۋدىڭ بولاشاق جوبالارى ءۇشىن قۋاتتىلىقتاردى ۇسىنادى.
