بۇگىن ماجىلىستە «نۇر وتان» پارتياسى فراكسياسىنىڭ كەزەكتى وتىرىسى ءوتتى، دەپ حابارلايدى Qamshy.kz اقپارات اگەنتتىگى.

وتىرىس بارىسىندا ق ر پرەزيدەنتى نۇرسۇلتان نازاربايەۆتىڭ نەگىزگى تاپسىرمالارى، فراكسيانىڭ III سەسسياسىنىڭ قورىتىندىسى تالقىلاندى.  

وتىرىس پارلامەنت ءماجىلىسى ءتوراعاسىنىڭ ورىنباسارى مەن «نۇر وتان» پارتياسى فراكسياسىنىڭ باسشىسى گۇلميرا يسىمبايەۆانىڭ باستاماسىمەن ءوتتى.

فراكسيا باسشىسى گۇلميرا يسىمبايەۆا ءوز سوزىندە التىنشى شاقىرىلىمداعى دەپۋتاتتىق كورپۋستىڭ اتقارعان جۇمىسىن نۇرسۇلتان نازاربايەۆ جوعارى باعالاعانىن ايتتى. سونىمەن قاتار ءماجىلىس پارلامەنتىنىڭ ءتوراعاسى نۇرلان نىعماتۋللين پالاتانىڭ ءبىرىنشى پلەنارلىق وتىرىسى بارىسىندا IV سەسسيانىڭ اشىلۋىندا مەملەكەت باسشىسىنىڭ تاپسىرمالارىنا ساي ورىندالۋى شارت بارلىق جۇمىستاردى ناقتى اتاپ شىقتى.

سونىمەن قاتار، فراكسيا باسشىسى دەپۋتاتتاردىڭ الدىنداعى مىندەتتەرىن نۇرسۇلتان نازاربايەۆتىڭ بەس الەۋمەتتىك باستاماسى ءارى جولداۋىمەن بايلانىستىردى.

«ءبىز، «نۇر وتان» پارتياسى فراكسياسىنىڭ مۇشەلەرى پارتيا ءتوراعاسىنىڭ بارلىق تاپسىرمالارىن جاۋاپكەرشىلىكپەن ورىنداۋعا ءتيىسپىز. سەبەبى تاپسىرمالاردىڭ ءبارى دەرلىك ەلدىڭ الەۋمەتتىك-ەكونوميكالىق الەۋەتىن دامىتۋعا نەگىزدەلگەن. ارينە، ازاماتتاردىڭ دا ءال اۋقاتى باقىلاۋدا بولادى»، - دەدى ۆيسە-سپيكەر گۇلميرا يسىمبايەۆا.

فراكسيا باسقارما ءتوراعاسىنىڭ ءبىرىنشى ورىنباسارى بازاربايەۆ فراكسيا جۇمىسىنىڭ III سەسسياسىنىڭ قورىتىندىسى مەن ماڭىزدى مىندەتتەرى ءارى فراكسيا مۇشەلەرىنىڭ IV سەسسياداعى مىندەتتەرىن باياندادى.

 ءوز بايانداماسىندا «نۇر وتان» پارتياسى ءتوراعاسى تاپسىرمالارى ءارى پارتيانىڭ سايلاۋ الدى «قازاقستان – 2021: تۇتاستىق. تۇراقتىلىق. جاسامپازدىق» باعدارلاماسى اياسىندا جاسالعان جۇمىستارىمەن تانىستىردى.

فراكسياعا مۇشە دەپۋتاتتار دا باياندامالارىمەن تانىستىردى. سابيليانوۆ، وماروۆ، مامرايەۆ، امانجولوۆا، وسپانوۆ زاڭناما ماسەلەلەرىندەگى مەملەكەت باسشىسىنىڭ تاپسىرمالارى اياسىندا ورىندالعان مىندەتتەرىن وقىدى.

وتىرىس قورىتىندىسىندا ءتورتىنشى سەسسياعا ناقتى جوسپارلار جاسالدى.

ايتا كەتەيىك، وتىرىسقا «نۇر وتان» پارتياسىنىڭ حاتشىسى قۋانعانوۆ، ق ر پارلامەنت ءماجىلىسىنىڭ دەپۋتاتتارى – فراكسيا مۇشەلەرى، قازاقستان حالقى اسسامبلەياسىنىڭ دەپۋتاتتارى قاتىستى.  

بۇعان دەيىن ەلباسى «نۇر وتان» پارتياسى ساياسي كەڭەسىنىڭ كەڭەيتىلگەن وتىرىسىنا قاتىسىپ، پارتيانى جۇيەلى تۇردە جاعىرتۋ كەرەكتىگىن ايتقان. ءارى ەلباسىنىڭ  الەۋمەتتىك باستاماسىن جۇزەگە اسىرۋعا كىرىسۋ كەرەكتىگى ايتىلدى.

«پارتيا كۇن تارتىبىندەگى جالپىۇلتتىق دەڭگەيدەگى جۇمىستارعا بەلسەندى ارالاسىپ، مودەرنيزاسيا زامانىنداعى قوزعالىسى جىلدام كۇشكە اينالۋى ءتيىس. سونىمەن قاتار تەك پارتيانىڭ ەمەس، مەملەكەت بويىنشا كادرلىق رەزەرۆتىڭ جۇمىسىن رەتكە كەلتىرۋ كەرەك. وسىعان سايكەس، باستى نازار ساندا ەمەس، ساپادا بولادى»، - دەدى نۇرسۇلتان نازاربايەۆ.

ءوز كەزەگىندە «نۇر وتان» پارتياسى ءتوراعاسىنىڭ ءبىرىنشى ورىنباسارى ماۋلەن اشىمبايەۆ ەلباسىنىڭ ءسوزىن قولداپ، پارتيانىڭ الدىنداعى مىندەتتەردى ەسكەرىپ ءوتتى.

«مەملەكەت باسشىسىنىڭ ساياساتى ارقاسىندا ەلىمىز تاۋەلسىزدىك جىلدارىندا مول تابىستارعا قول جەتكىزىپ كەلەدى. بۇگىنگى كۇنى نۇرسۇلتان ءابىش ۇلى نازاربايەۆ ەلىمىزدى الدىنا ءۇشىنشى جاڭعىرۋدا جۇزەگە اسىرۋ ماقساتىن قويىپ وتىر. وسىعان بايلانىستى قازاقستاننىڭ جاڭعىرۋىنا جۇيەلى قاتىساتىن ستراتەگيالىق كۇش بولىپ قالىپتاسۋ – پارتيانىڭ باستى مىندەتى»، - دەگەن ەدى اشىمبايەۆ.