14ء-ى مەن 15ء-ى كۇنى ارالىعىندا ياعني ءتۇن اۋعان شاقتا ياكيمانكا مۋنيسيپالدى ايماعىنىڭ ساياباعىندا وزبەكستاننىڭ تۇڭعىش پرەزيدەنتى، 78 جاسىندا ينسۋلتتەن كوز جۇمعان يسلام كارىموۆتىڭ قۇرمەتىنە ەسكەرتكىش بوي كوتەرىپتى. «راديو سۆوبودانىڭ» حابارلاۋىنشا، بۇگىن ەسكەرتكىشتىڭ رەسمي اشىلۋى بولىپتى. اتالمىش ب ا ق تىلشىلەرىنىڭ ايتۋىنشا، ەسكەرتكىشتىڭ اشىلۋ ءراسىمى قاتاڭ باقىلاۋ جاعدايىندا ياعني قارۋلى كۇشتەردىڭ دەمەۋىمەن ءوتتى. ءتورتىنشى بيلىك وكىلدەرى جۋرناليستەر قاۋىمىن ۇيىمداستىرۋشىلار تەك ءتىزىم بويىنشا عانا تەكسەرىپ كىرگىزگەن. ءىس-شارادا رەسەي مەن وزبەكستاننىڭ بيلىك وكىلدەرى بوي كورسەتىپتى. ولار كارىموۆتى بەدەلى بيىك، اسقاق تۇلعا دەپ سيپاتتاما بەردى. جانە دە ولار كارىموۆ ءوز ەلىندە ءتۇرلى ءتۇستى توڭكەرىستىڭ ورىن الۋىنا توسقاۋىل بولعاندىعىن ەرەكشە اتاپ ءوتتى.

ەستەرىڭىزگە سالا كەتەيىك، ياكيمانكانىڭ ماسكەۋلىك ايماعىنىڭ دەپۋتاتتارى اتالمىش ەسكەرتكىش تۇرعىزىلۋىنا قارسىلىق تانىتقان بولاتىن.

♦رەسەيلىكتەر يسلام كاريموۆ ەسكەرتكىشىن ورناتۋعا قارسىلىق كورسەتۋدە (ۆيدەو)

ولار مۇنى كارىموۆتىڭ وزبەكستاندا تۇراتىن ورىس ءتىلدى تۇرعىندارعا اگرەسسيا تانىتقاندىعىمەن ءتۇسىندىردى. الايدا رلدپ وكىلدەرى پەتيسياعا قول جيناپ، اۋرە-سارساڭعا تۇسسە دە ويلانعاندارى ىسكە اسپادى، ەسكەرتكىش ەشنارسەگە قاراماستان بوي كوتەردى.

ال مارقۇم كارىموۆتىڭ ءوز وتانىندا كارىموۆكە دەگەن وي-كوزقاراس باسقاشا.

♦وزبەكستان ارنالارىنا كارىموۆتىڭ اتىن اتاۋعا تىيىم سالىندى