بۇگىن ق ر پرەمەر-مينيسترى باقىتجان ساعىنتايەۆتىڭ توراعالىعىمەن 2014 جىلى قابىلدانعان 2020 جىلعا دەيىنگى وڭىرلەردى دامىتۋ باعدارلاماسىنىڭ ورىندالۋى بويىنشا جوبالار تالقىلانىپ، تاپسىرمالار بەرىلدى دەپ حابارلايدى Qamshy.kz اقپارات اگەنتتىگى. 

كەيىن اراعا 4 جىل سالىپ اتالمىش باعدارلاما مەملەكەتتىك مارتەبە الدى. اتالمىش باعدارلاماعا «ايماقتاردى دامىتۋ»، «مونو-قالالاردى دامىتۋ»، «تۇرعىن ۇي-كوممۋنالدىق شارۋاشىلىقتى جاڭعىرتۋ»، «قولجەتىمدى باسپانا – 2020» باعدارلاماسىنىڭ جوباسى ەنگىزىلدى.

بۇل باعدارلاما حالىق كاپيتالىن ەكونوميكالىق ءوسىمى جوعارى ورتالىقتارعا شوعىرلاندىرۋدى كوزدەپ وتىر. سونىمەن بىرگە باعدارلاما حالىقتىڭ تۇرعان ايماعىنا دا ءمان بەرمەي، كەرىسىنشە ينفراقۇرىلىمدى دامىتۋ ارقىلى تۇرعىنداردىڭ ءومىر ءسۇرۋ ساپاسىن كوتەرۋدى كوزدەپ وتىر.

جيىن بارىسىندا ۇلتتىق ەكونوميكا-مينيسترى تيمۋر سۇلەيمەنوۆ باعدارلاما تولىقتاي جۇزەگە اسىرىلىپ جاتقانىن ايتتى.

«2017 جىلدىڭ قورىتىندىسىنا سايكەس ءتورت اگلومەراسيا حالقىنىڭ جالپى سانى وسىدان 3 بۇرىنعى ياعني 2015 جىلمەن سالىمتىرعاندا 460،1 مىڭ ادامعا ءوستى جانە 6،2 ملن ادام بولجامىندا 6،6 ملن ادامدى قۇرادى. بىلتىر جاڭا مەملەكەتتىك جوسپارلاۋ جۇيەسى بەكىتىلسە ەندىگى كەزەكتە سوعان سايكەس بارلىق ۇكىمەتتىك باعدارلامالاردى دا مەملەكەتتىك باعدارلامالار مارتەبەسىندە بەكىتۋ قاجەت. وسىعان وراي قولدانىستاعى وڭىرلەردى دامىتۋدىڭ 2020 جىلعا دەيىنگى ۇكىمەتتىك باعدارلاماسىنىڭ مىندەتتەرى مەن نىسانالى ينديكاتورلارىن، ناتيجە كورسەتكىشتەرىن باقىلاپ، وزەكتى بولۋىنا جاعداي جاساي وتىرىپ، مەملەكەتتىك باعدارلاما رەتىندە قايتا فورماتتاۋ جوسپارلانىپ وتىر»، دەيدى تيمۋر سۇلەيمەنوۆ.

وڭىرلەردى دامىتۋ ءار ماكرووڭىرگە ارنالعان ينۆەستيسيالىق باسىمدىقتاردى، ەلىمىزدىڭ اۋماقتىق دامۋىن جەتىلدىرۋدى، ينجەنەرلىك ينفراقۇرىلىمدى جانە ءتۇرعىن-ۇي كوممۋنالدىق شارۋاشىلىقتى جاڭعىرتۋدى جانە حالىقتى اۋىز سۋمەن جانە سۋ بۇرۋ قىزمەتتەرىمەن ۇتىمدى ءارى ءتيىمدى تۇردە قامتاماسىز ەتۋدى كوزدەپ وتىر.

«كۇردەلى جوندەۋدى تالاپ ەتىپ جاتقان كوندومينيۋم وبەكتىلەرىنىڭ ۇلەسىن ازايتۋ جۇمىتارى جۇرگىزىلۋدە. 2017 جىلدىڭ قورىتىندىسىن نەگىزگە الساق، وسى كورسەتكىش قازاقستان بويىنشا ورتاشا ەسەپپەن 2 پايىزعا تومەندەپ، 25 پايىزدى قۇرادى. ال جاو اقپاراتى نەگىزىندە سۋمەن جابدىقتاۋ جانە سۋ بۇرۋ جەلىلەرىن رەكونسترۋكسيالاۋ جانە سالۋ ناتيجەسىندە قالالىق جەلىلەردەگى سۋمەن جابدىقتاۋدىڭ اپاتتىلىق كوەففيسيەنتى 0،35-كە دەيىن، سۋ بۇرۋدا 0،16-عا دەيىن تومەندەدى. سونىمەن بىرگە سۋ توعاندارىندا نورمانتيۆتىك تازارتىلعان اعىندى سۋلاردىڭ ۇلەسى رەسپۋبليكا بويىنشا 91،1 پايىزدى قۇرايدى. بۇل كورسەتكىش وسىدان 3 جىل بۇرىنعى كورسەتكىشتەن 10،1 پايىزعا جوعارى»، دەدى ۇلتتىق ەكونوميكا ءمينيسترى.

سونىمەن بىرگە تيمۋر سۇلەيمەنوۆ ەلباسىنىڭ وڭىرلەردى دامىتۋدىڭ 2020 جىلعا دەيىنگى باعدارلاماسى بويىنشا ەلدى-مەكەندەردى اۋىز سۋمەن قامتاماسىز ەتۋ ءۇشىن جىل سايىن كەمىندە 100 ملرد تەڭگە ءبولۋدى تاپسىرعانىن دا تىلگە تيەك ەتكەن بولاتىن.

«ق ر 2025 جىلعا دەيىنگى ستراتەگيالىق دامۋ جوسپارىنىڭ ەرەجەلەرىنەن شىعا وتىرىپ، مەملەكەتتىك باعدارلامانىڭ ماقساتى – باسقارىلاتىن كەنتتەنۋ جانە حالىقتىڭ ءومىر ءسۇرۋ ساپاسىن جاقسارتۋ بويىنشا وڭىرلەردىڭ باسەكەگە قابىلەتتىلىگىن ارتتىرۋ دەپ انىقتالعان»، - دەيدى ۇلتتىق ەكونوميكا ءمينيسترى.