تاعى دا ءسۇيىنشى، الاش ۇرپاقتارى! پارلامەنت ماجىلىسىندەگى «اق جول» دەموكراتيالىق پارتياسى فراكسياسىنىڭ، اتاپ ايتقاندا - ونىڭ جەتەكشىسى ازات پەرۋاشيەۆتىڭ قارجى مينيسترلىگىمەن اراداعى 2 جىلعا سوزىلعان ايتىس-تارتىسىنىڭ ناتيجەسىندە «الاش» ۇلت-ازاتتىق قوزعالىسىنىڭ، پارتياسىنىڭ جانە ۇلتتىق جەرلى اۆتونومياسى ۇكىمەتىنىڭ ءتوراعاسى ءاليحان بوكەيحاننىڭ 15-تومدىق جيناعىنىڭ قالعان 12 تومىن (IV-XV تت.) ۇستىمىزدەگى جىلى 5 مىڭ دانامەن باسىپ شىعارۋعا قاراجات ءبولىنىپ وتىر (الاش كوسەمىنىڭ 1930 جج. «فيگارو» فرانسۋز گازەتىندە جاريالاعان ماتەريالدارى مەن قازاقتىڭ جىلقى شارۋاشىلىعى تۋرالى عىلىمي وچەركى ازىرشە تابىلعان جوق). يۋنەسكو «بۇكىلالەمدىك شىنايى داڭقتى قايراتكەر» دەپ تانىعان ۇلت كوسەمىنىڭ تۋعانىنا 150 جىل تولعان مەرەيتويى جىلىندا دا (2016)، ءوزى قۇرىپ باسشىلىق ەتكەن الاش ۇلتتىق جەرلى اۆتونومياسىنىڭ 100-جىلدىعىندا دا (2017) «قارجى تاپشىلىعىنان» شىقپاي قالعان تەڭدەسسىز تاريحي، عىلىمي، ادەبي-پۋبليسيستىك مۇرا بيىل باسپا كورمەكشى. «ءاليحان بوكەيحان. شىعارمالارى – سوچينەنيا» كوپتومدىعى مادەنيەت جانە سپورت مينيسترلىگىنىڭ «مادەنيەت جانە ونەر سالاسىنداعى باسەكەلەستىكتى جوعارىلاتۋ، قازاقستاندىق مادەني مۇرانى ساقتاۋ، زەردەلەۋ مەن ناسيحاتتاۋ جانە مۇراعات ءىسىنىڭ ىسكە اسىرىلۋ تيىمدىلىگىن ارتتىرۋ» باعدارلاماسى «ادەبيەتتىڭ الەۋمەتتىك ماڭىزدى تۇرلەرىن ساتىپ الۋ، باسىپ شىعارۋ جانە تاراتۋ» كىشى باعدارلاماسى بويىنشا جارىق كورەدى.
وكىنىشتى ءارى ساناعا قونبايتىن ءبىر جايت: ءا.ن. بوكەيحان مۇراسىنىڭ العاشقى ءى-ىى تومدارى 2016 جىلى جەلتوقساندا 2 مىڭ دانامەن، 2017 جىلى قاڭتاردا كۇشىنە ەنگەن جاڭا تالاپ بويىنشا 3-تومى سول جىلدىڭ ناۋرىزىندا 5 مىڭ دانامەن باسىلسا، ال 4-15 تومدارى دا بيىل 5 مىڭ دانا بولىپ شىقپاقشى. ياعني I جانە II تت. 3 مىڭ داناعا كەم بولىپ قالاتىن جايى بار. 
شىمكەنتتەگى ساياسي قۋعىن-سۇرگىن قۇرباندارى مۇراجايىنىڭ بۇرىنعى ديرەكتورى، اقىن ءحانبيبى ەسەنقارا قىزى قۇراستىرعان «اق جول» (گازەت). كوپتومدىق» جيناعىنىڭ قالعان ءحى-حXV تت. دا سونىڭ كەبىن كيمەكشى. ويتكەنى كوپتومدىقتىڭ ءى-ح تت. سوناۋ 2015 جىلى 2 مىڭ دانامەن شىققان بولسا، قالعان 15 تومىن 3-4 جىل كەشىكتىرىپ 5 مىڭ دانامەن شىعارۋ 2019 جىلعا عانا جوسپارلانىپ وتىر. ودان بولەك داڭقتى ابىلاي، ابىلمامبەت، سامەكە حاندار مەن باراق سۇلتان اۋلەتتەرى تۋرالى 4-تومدىق تۇڭعىش مونوگرافيا، بارلىبەك سىرتتان ۇلىنىڭ مۇراسى، ن. تورەقۇل ۇلى، س. قوجانۇلدارىنىڭ تاڭدامالى جيناقتارى، حح عاسىر باسىنداعى قازاق ولكەسى تۋرالى اعىلشىن ينجەنەرىنىڭ مەمۋارى، باس-اياعى 25 كىتاپتى باسىپ شىعارۋعا ءوتىنىم بەرىلدى.
ايتقانداي-اق «اق جول» جەتەكشىسى ا. پەرۋشايەۆتىڭ ىجداھاتىمەن كورنەكتى الاش قايراتكەرلەرى تۇراعۇل اباي ۇلى، احمەت (احمەتعالي) مامىت ۇلى، قاجىم باسىمۇلدارىنىڭ شىعارمالارى، زەرتتەۋلەرى، ماقالالارىنىڭ ءبىر-بىر تومدىق، ەلدەس ومار ۇلىنىڭ 3 تومدىق، سونداي-اق «حح ع. باسىنداعى قازاق ءتىلى جونىندەگى زەرتتەۋلەر» جيناقتارى دا 5 مىڭ دانامەن باسپا كورەدى. بۇل عىلىمي، عىلىمي-تانىمدىق جيناقتاردى ا. بايتۇرسىن ۇلى اتىنداعى ءتىل ءبىلىمى ينستيتۋتىنىڭ عالىمى، فيلولوگيا عىلىمدارىنىڭ دوكتورى، پروفەسسور ورىناي جۇبايەۆا باستاعان عالىمدار توبى توتە جازۋدان كوشىرىپ، وڭدەپ، قۇراستىرىپ، عىلىمي تۇسىنىكتەرى مەن العىسوزدەرىن جازىپ ۇسىندى. 
ءدال وسى كۇنى الماتىداعى ۇلكەن باسپاحانامەن كەلىسىمشارتقا وتىرىپ، كىتاپ باسۋ جۇمىسى قىزۋ باستالىپ تا كەتتى.
قورىتا ايتسام، جوعارىدا اتالعان كىتاپتار مەن جيناقتاردىڭ بارلىعى «اق جولدىڭ» پارلامەنتتىك فراكسياسىنىڭ جەتەكشىسى ا. پەرۋشايەۆتىڭ كۇش-جىگەرىنىڭ ارقاسىندا جارىق كورمەكشى. سوعان بايلانىستى ل.ن. گۋميلوۆ اتىنداعى ەۇۋ «الاش» ينستيتۋتى مەن ا. بايتۇرسىن ۇلى اتىنداعى ءتىل ءبىلىمى ينستيتۋتىنىڭ عالىمدارى ازات مىرزاعا، اتالعان جيناقتاردى باسىپ شىعارۋعا قولداۋ كورسەتكەن مادەنيەت جانە سپورت ءمينيسترى ا. مۇحامەديۇلىنا الاش قايراتكەرلەرىنىڭ سوزىمەن «ءتاڭىرى جارىلقاسىن!» ايتادى.