اعىمداعى جىلدىڭ 26 قازانىندا اقوردادا ق ر پرەزيدەنتى اكىمشىلىگىنىڭ باسشىسى ءا.يسەكەشيەۆتىڭ توراعالىعىمەن قازاقستان رەسپۋبليكاسى پرەزيدەنتىنىڭ جانىنداعى قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ۇلتتىق كوميسسيانىڭ كەزەكتى وتىرىسى بولىپ ءوتتى.

كەڭەستىڭ جۇمىس كۇن ءتارتىبى «رۋحاني جاڭعىرۋ» باعدارلاماسىن ىسكە اسىرۋدىڭ جانە باعدارلامانى باسقارۋ ءوفيسىنىڭ قىزمەتىن ۇيىمداستىرۋدىڭ ناتيجەلەرىن تالقىلاۋعا ارنالدى. ۇلتتىق كوميسسيانىڭ ءتوراعاسى وتىرىستى اشا وتىرىپ، «رۋحاني جاڭعىرۋ» باعدارلاماسىنىڭ مەملەكەت باسشىسىنىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىنىڭ نەگىزگى باعىتتارىن ىسكە اسىرۋ اياسىنداعى ەرەكشە ماڭىزىن اتاپ ءوتتى.

ق ر پرەزيدەنتى اكىمشىلىگىنىڭ باسشىسى «رۋحاني جاڭعىرۋ» باعدارلاماسىنىڭ ورىندالۋىن جاڭا مازمۇنمەن جانە باعىتتارمەن تولتىرۋدىڭ ماڭىزدىلىعىن اتاپ ءوتتى.

مەملەكەت باسشىسىنىڭ تاپسىرماسىنا سايكەس، تاياۋ ۋاقىتتا جاڭا «اۋىل – ەل بەسىگى» جانە «ءوز جەرىڭدى تانىپ ءبىل» جوبالارى ىسكە قوسىلاتىن بولادى، ولار اۋىلدىق اۋماقتاردىڭ دامۋىنا قوسىمشا سەرپىن بەرمەك، - دەپ اتاپ ءوتتى ءا.يسەكەشيەۆ.

كوميسسيا وتىرىسىندا سونداي-اق و.ورازالين، ا.بالايەۆا، د.ابايەۆ، ا.ەۆنييەۆ، د.كالەتايەۆ، ا.مۇحامەدي ۇلى جانە ر.كەنجەحان ۇلى ءسوز سويلەدى.

بەينەبايلانىس رەجيمىندە جامبىل جانە باتىس قازاقستان وبلىستارىنىڭ اكىمدەرى تىڭدالدى. تالقىلاۋلار قورىتىندىسى بويىنشا ۇلتتىق كوميسسيانىڭ ءتوراعاسى ۇكىمەتكە 2018-2019 جىلدارعا ارنالعان «رۋحاني جاڭعىرۋ» باعدارلاماسىن ىسكە اسىرۋ جونىندەگى ءبىرىڭعاي جوسپار ازىرلەۋدى، اۋىل شارۋاشىلىعى مينيسترلىگىنە جاڭا «اۋىل – ەل بەسىگى» الەۋمەتتىك جوباسىن ىسكە قوسۋدى تاپسىردى.

وڭىرلەر باسشىلارىنا جەرگىلىكتى جەرلەردە باعدارلامانىڭ تاپسىرمالارىن بارلىق باسىمدىق باعىتتارى بويىنشا ناقتى ماقساتتار مەن ناتيجەلەرگە قول جەتكىزۋگە كوڭىل بولە وتىرىپ، ىسكە اسىرۋ جونىندە تاپسىرمالار بەرىلدى.