Forbes قازاقستانداعى دەموگرافيالىق احۋالدى ءبىلۋ ماقساتىندا عالىم، دەموگروف، س.امانجولوۆ اتىنداعى مەملەكەتتىك ۋنيۆەرسيتەتتىڭ پروفەسسورى الەكساندر الەكسەەنكومەن سۇحباتتاستى. ونىڭ ىقشامدالعان قازاق تىلىندەگى نۇسقاسىن نازارلارىڭىزعا ۇسىنامىز.

الەكساندر الەكسەەنكونىڭ ايتۋىنشا، 10 جىلدان كەيىن قازاقستاندا تۇراتىن حالىقتىڭ 80% قازاقتار بولادى. 15% - ورىستار، قالعان 5% - باسقا ۇلتتار. بۇل 5% ء-تىڭ باسىم كوپشىلىگى وزبەكتەر بولادى.

ستاتيستيكا كوميتەتىنىڭ مالىمەتىنە سايكەس، 2017 جىلمەن سالىستىرعاندا بيىل قازاقستاننان كەتىپ جاتقاندار 14% ارتقان. ياعني، 2017 جىلدىڭ ءبىرىنشى توقسانىندا قازاقستاننان 15 مىڭ ادام كەتسە، بيىل - 17 مىڭ ادام. ولاردىڭ  90% تمد ەلدەرىنە كوشۋدە.

«10 جىلداعى احۋالدى ناقتىلاپ الدىق. ودان كەيىن بۇل پروسەس جىلدام جۇرە باستايدى. نەلىكتەن؟ سەبەبى، قازاقستاندا تۇرىپ جاتقان ورىس ۇلتىنىڭ كوبى قىرىقتان اسقاندار. ولار بىرتە-بىرتە قارتايىپ، و دۇنيەلىك بولادى. تۋۋ كورسەتكىشى بويىنشا دا قازاقتار باسىپ وزادى، ال ورىس ۇلتىندا  ءولىم ء-جىتىم كورسەتكىشى ارتادى. وسى ءۇردىس ساقتالاتىن بولسا، سىرتقى فاكتورلاردىڭ اسەرى بولماسا، 20 جىلدان كەيىن قازاقستاندا 90% قازاقتار تۇرادى. ورىستار – 5-7% دەڭگەيىندە قالادى. بۇل – قازاقتار ءۇشىن دەموگرافيالىق ءدۇمپۋ بولسا، ورىستار ءۇشىن قارتايۋ»، - دەيدى دەموگراف.

دەرەككە جۇگىنەر بولساق، قازاقستاننىڭ مونوۇلتتتى مەملەكەتكە اينالۋ پروسەسى وسىدان 50 جىل بۇرىن باستالعان.  

ايتا كەتەيىك، 2018 جىلدىڭ 1 قىركۇيەگىندە قازاقستان حالقىنىڭ سانى 18،3 ميلليون ادامعا جەتتى . ال تاۋەلسىزدىك العان جىلى قازاقستان حالقى 16،7 ميلليون بولعان.