ق ر ءىىم قالمۇحامەت قاسىموۆ پوليسەيلەرگە قويىلاتىن تالاپتاردى وزگەرتپەك. الداعى ۋاقىتتا سەمىرىپ كەتكەن پوليسيا قىزمەتكەرلەرىن كورمەۋىمىز ابدەن مۇمكىن دەپ جازادى Qamshy.kz اقپارات اگەنتتىگى.  سەبەبى ق ر ىشكى ىستەر ءمينيسترى سەمىرە باستاعان پوليسەيلەردەن جۇمىستان كەتۋدى سۇرايدى.

«ءبىز پوليسيا قىزمەتكەرلەرىنىڭ فورماسىن تىم رەسمي بولعاندىقتان عانا اۋىستىرامىز. سوڭعى رەت 2001 جىلى فورمانى اۋىستىردىق. بىزدە دە ورتاق تالاپتار بار. پوليسەيلەر فيزيكالىق دايىندىقتان وتەدى. سەمىرە باستاعان پوليسيا قىزمەتكەرلەرى جۇمىستان كەتەدى. ءبىز ءقازىر كيىمدى عانا ەمەس، جۇمىس بارىسىن، قۇرىلىمىن وزگەرتىپ، فرونت كەڭسەلەر سالىپ جاتىرمىز. ءبىراق سىزدەر تەك كيىمگە تىرەلىپ قالعان سەكىلدىسىزدەر. فورمانى ءالى ەشكىمگە كورسەتپەدىك. ول ءالى تىگىلىپ جاتىر»، دەدى مينيستر.

سونىمەن بىرگە مينيستر پوليسيا قىزمەتكەرلەرى ءبىراز ۋاقىتتان بەرى فورمانى اۋىستىرۋ تۋرالى ءوتىنىش ايتىپ كەلگەن.

قاسىموۆتىڭ سەمىرگەن پوليسيا قىزمەتكەرلەرىن جۇمىستان بوساتۋى تۋرالى مالىمدەمەسىن قوس قولداپ قولداۋعا بولادى. سونىمەن بىرگە مينيسترلىكتىڭ فورماسىمەن بىرگە قىزمەت كورسەتۋ ساپاسى دا وزگەرسە نۇر ۇستىنە نۇر بولار ەدى.