قازاق، ورىس، اعىلشىن، نەمىس تىلدەرىن بىلەتىن پوليگلوت ەۆگەنيي كوچەتوۆ ءوزىنىڭ فەيسبۋك پاراقشاسىنداعى وقىرمانداردان ءسۇيىنشى سۇرادى دەپ حابارلايدى Qamshy.kz اقپارات اگەنتتىگى.

2017 جىلدىڭ 12 مامىرىنان 2018 جىلدىڭ 10 قىركۇيەگىنە دەيىن «قازكونتەنتتىڭ» باسشىلىق قىزمەتىن اتقارعان ول «نۇر وتان» پارتياسىنىڭ ستراتەگيالىق باستامالار ينستيتۋتى ديرەكتورىنىڭ ورىنباسارى اتاندى. اتالمىش ينستيتۋت ەكى جىل بۇرىن ەلباسى نازاربايەۆتىڭ تاپسىرماسىمەن قۇرىلعان بولاتىن. ينستيتۋت «نۇر وتان» پارتياسىنىڭ باستى ساراپتامالىق ورتالىعى بولىپ سانالادى.

ەكونوميكا عىلىمىنىڭ ماگيسترى ەۆگەنيي كوچەتوۆ «نۇر وتان» پارتياسىندا ءار ءتۇرلى قىزمەتتە ءتورت جىل ەڭبەك اتقارعان ازامات. «قازاقستاننىڭ كەلبەتىن وزگەرتكەن سوزدەر» كىتابىنىڭ اۆتورى كوچەتوۆ مىرزا قازاقستان رەسپۋبليكاسى پرەزيدەنتىنىڭ العىس حاتىن دا العانىن ەسكە سالايىق.

كوچەتوۆتىڭ قىسقاشا ءومىربايانىنا توقتالىپ وتسەك:

كوچەتوۆ ەۆگەنيي دميترييەۆيچ قازاق گۋمانيتارلىق زاڭ ۋنيۆەرسيتەتىن، م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىن بىتىرگەن. ەكونوميكا ماگيسترى.

2009-2013 ارالىعىندا «نۇر وتان» پارتياسىنىڭ ورتالىق اپپاراتىندا ءارتۇرلى قۇرىلىمدىق بولىمشەلەرىندە كەڭەسشى، ساراپشى قىزمەتتەرىن اتقارعان.

2013-2014 جىلدارى «سەسنا» كورپوراسياسى» اق ديەۆەلوپمەنت بولىمشەسىن باسقارعان.

2014-2016 جىلدارى توو «Kazakhstan Real Estate Group» ج ش س باسقارما ديرەكتورى بولعان.

2016 جىلدىڭ 1 قازانىنان 2017 جىلدىڭ 12 مامىرىنا دەيىن ق ر اقپارات جانە كوممۋنيكاسيالار مينيسترلىگىنە قاراستى «ورتالىق كوممۋنيكاسيالىق قىزمەتى» رمم ديرەكتورى قىزمەتىن اتقارعان.

2017 جىلدىڭ 12 مامىرىنان 2018 جىلدىڭ 10 قىركۇيەگىنە دەيىن «Qazcontent» اق باسقارما ءتوراعاسى بولدى.