مەملەكەت باسشىسىنىڭ جارلىعىمەن دارحان امانگەلدى ۇلى ساتىبالدى الماتى قالاسىنىڭ اكىمى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى.

1974 جىلى 26 ناۋرىزدا وڭتۇستىك قازاقستان وبلىسىندا دۇنيەگە كەلگەن. 1996 جىلى س.س. سەيفۋللين اتىنداعى اقمولا اۋىل شارۋاشىلىق ينستيتۋتىن، 2003 جىلى قازاق گۋمانيتارلىق زاڭ اكادەمياسىن بىتىرگەن.

ەڭبەك جولىن وڭتۇستىك قازاقستان وبلىسى كەلەس اۋدانىنىڭ كەلەس كەڭشارى بولىمشەسىنىڭ جۇمىسشىسى رەتىندە باستاعان.

1996-1999 جىلدارى ءتۇرلى مەكەمەلەردە اعا ەكونوميست، باس بۋحگالتەر بولىپ ەڭبەك ەتكەن.

2000-2002 جىلدارى – قازاقستان رەسپۋبليكاسىنىڭ قارجى مينيسترلىگى قارجى باقىلاۋ كوميتەتىنىڭ مەملەكەتتىك مەكەمەلەردەگى بيۋدجەتتىك راسىمدەردىڭ ورىندالۋىن باقىلاۋ باسقارماسىندا جەتەكشى باقىلاۋشى-ريەۆيزور، باس باقىلاۋشى- ريەۆيزور؛

2002-2006 جىلدارى – قازاقستان رەسپۋبليكاسى پرەزيدەنتى ءىس باسقارماسىنىڭ قارجى-ەكونوميكالىق ءبولىمى ەكونوميكالىق تالداۋ جانە باقىلاۋ سەكتورىنىڭ رەفەرەنتى، كونسۋلتانتى، باس ساراپشىسى، بيۋدجەتتىك جوسپارلاۋ جانە قارجىلىق باقىلاۋ ءبولىمى مەملەكەتتىك ساتىپ الۋلاردى ۇيىمداستىرۋ سەكتورىنىڭ مەڭگەرۋشىسى؛

2006 جىلدىڭ تامىز ايىنان باستاپ استانا قالاسى تۇرعىن ءۇي دەپارتامەنتىنىڭ «جىلۋ» مەملەكەتتىك كوممۋنالدىق كاسىپورنى ديرەكتورىنىڭ مىندەتىن اتقارۋشى؛

2007 جىلى قاڭتار-مامىر ايلارى ارالىعىندا قازاقستان رەسپۋبليكاسى جوعارعى سوتى جانىنداعى سوت اكىمشىلىگى جونىندەگى كوميتەتتىڭ سوت ورىنداۋشىسى؛

2007-2010 جىلدارى – قازاقستان رەسپۋبليكاسى ءبىلىم جانە عىلىم مينيسترلىگىنىڭ بيۋدجەتتىك دەپارتامەنتى ديرەكتورىنىڭ ورىنباسارى، عىلىم كوميتەتى ءتوراعاسىنىڭ ورىنباسارى؛

2010 — 2011 جىلدارى – قازاقستان رەسپۋبليكاسى ۇلتتىق قاۋىپسىزدىك كوميتەتىندە دەپارتامەنت باستىعى؛

2011-2013 جىلدارى – قازاقستان رەسپۋبليكاسى پرەمەر-مينيسترىنىڭ كەڭسەسى الەۋمەتتىك-ەكونوميكالىق ءبولىمى مەڭگەرۋشىسىنىڭ ورىنباسارى؛

2013 -2015 جىلدارى – شىمكەنت قالاسىنىڭ اكىمى؛

2015-2017 جىلدارى – وڭتۇستىك قازاقستان وبلىسى اكىمىنىڭ ورىنباسارى بولىپ قىزمەت اتقارعان.

2018-2019 جىلدارى قازاقستان رەسپۋبليكاسى پارلامەنتى سەناتىنىڭ دەپۋتاتى رەتىندە زاڭ شىعارۋ ىسىنە اتسالىستى.

2019-2022 جىلدارى – قازاقستان رەسپۋبليكاسىنىڭ وزبەكستان رەسپۋبليكاسىنداعى توتەنشە جانە وكىلەتتى ەلشىسى.

2022-2025 جىلدارى – تۇركىستان وبلىسىنىڭ اكىمى بولىپ قىزمەت اتقاردى.

2025 جىلى 6 قاڭتار كۇنى مەملەكەت باسشىسى قاسىم-جومارت توقايەۆتىڭ جارلىعىمەن قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ءبىرىنشى ورىنباسارى لاۋازىمىنا تاعايىندالدى.

I سىنىپتى توتەنشە جانە وكiلەتتi ۋاكiل ديپلوماتيالىق دارەجەسى بار.

«قۇرمەت»، «پاراسات» وردەندەرىمەن، قازاقستان رەسپۋبليكاسى پرەزيدەنتىنىڭ العىس حاتىمەن، «ەرەن ەڭبەگى ءۇشىن» مەدالىمەن ماراپاتتالعان.