مەملەكەت باسشىسى قاسىم-جومارت توقايەۆتىڭ جارلىعىمەن نۇرلان ەرمەك ۇلى ساۋرانبايەۆ قازاقستان رەسپۋبليكاسىنىڭ كولىك ءمينيسترى لاۋازىمىنا تاعايىندالدى.

ەسكە سالايىق، بۇعان دەيىن بۇل قىزمەتتى اتقارعان مارات قارابايەۆ 8 ماۋسىمدا لاۋازىمىنان بوساتىلعان بولاتىن. 14 مامىردا وتكەن قاۋىپسىزدىك كەڭەسىنىڭ وتىرىسىندا پرەزيدەنت قارابايەۆقا سوگىس جاريالاپ، كولىك جانە لوگيستيكا سالاسىنداعى جۇيەلى ماسەلەلەر مەن ينفراقۇرىلىمدىق جوبالاردىڭ ورىندالۋىنداعى كەشىگۋلەردى سىنعا العان ەدى.

نۇرلان ساۋرانبايەۆ تۋرالى قىسقاشا دەرەك:

• تۋعان جىلى مەن جەرى: 1967 جىلى، جامبىل قالاسى

• ءبىلىمى: س.م. كيروۆ اتىنداعى قازاق مەملەكەتتىك ۋنيۆەرسيتەتى، "ەكونوميست" ماماندىعى (1991 ج.)

• مانساپ جولى:

  • 1991–1997 جج. – جەكەمەنشىك كومپانيا باسشىسى

  • 1997–1998 جج. – كاسىپكەرلەر كونگرەسىنىڭ اتقارۋشى ديرەكتورى

  • 1998–2000 جج. – «قازاقستان تەمىر جولى» رمك دەپارتامەنتىنىڭ ديرەكتورى

  • 2000–2004 جج. – «قازاحويل»، كەيىن «قازمۇنايگاز» قۇرىلىمدارىندا باسشىلىق قىزمەتتەر

  • 2004–2010 جج. – مۇناي-گاز سەكتورىندا ءارتۇرلى باسشىلىق لاۋازىمدار

  • 2010–2011 جج. – «سامۇرىق-قازىنا» قورىنىڭ باسقارۋشى ديرەكتورى

  • 2011–2014 جج. – يندۋستريا جانە جاڭا تەحنولوگيالار ۆيسە-مينيسترى

  • كەيىن – ق ر قورعانىس ءمينيسترىنىڭ ورىنباسارى

  • 2017–2018 جج. – شىمكەنت قالاسىنىڭ اكىمى

  • 2019 جىلدان باستاپ – ق ر پرەزيدەنتى اكىمشىلىگىندە قىزمەت اتقارعان

نۇرلان ساۋرانبايەۆتىڭ كولىك، ونەركاسىپ جانە مەملەكەتتىك باسقارۋ سالاسىنداعى مول تاجىريبەسى جاڭا قىزمەتىندە ءتيىمدى قولدانىلۋى كۇتىلۋدە.