بۇل تۋرالى پرەمەر-مينيستردىڭ باسپا ءسوز قىزمەتى حابارلادى.
ۆيكتوريا شەگاي 1981 جىلى شىمكەنت قالاسىندا دۇنيەگە كەلگەن. ول قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىن، ميراس ۋنيۆەرسيتەتىن جانە ساتبايەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتىن ءتامامداعان.
ەڭبەك جولىن 2004 جىلى الماتى قالاسىنداعى "مەملەكەتتىك جيناقتاۋشى زەينەتاقى قورى" جاق-تا ەسەپ ايىرىسۋ وپەراسيالارى ءبولىمىنىڭ جەتەكشى مامانى بولىپ باستاعان.
2004–2017 جىلدار ارالىعىندا اتالعان قوردىڭ ءتۇرلى قۇرىلىمدارىندا جەتەكشى ماماننان باستاپ دەپارتامەنت ديرەكتورى لاۋازىمىنا دەيىنگى قىزمەتتەردى اتقاردى.
2017–2018 جىلدارى — "مەملەكەتتىك الەۋمەتتىك ساقتاندىرۋ قورى" اق-دا شتاتتان تىس قىزمەتكەر بولدى.
2018–2022 جىلدارى — ەڭبەك جانە حالىقتى الەۋمەتتىك قورعاۋ مينيسترلىگىندە الەۋمەتتىك ساقتاندىرۋ، بازالىق الەۋمەتتىك جانە زەينەتاقىمەن قامسىزداندىرۋ ساياساتى دەپارتامەنتىندە باسقارما باسشىسى، كەيىن دەپارتامەنت ديرەكتورى قىزمەتتەرىن اتقاردى.
2022–2023 جىلدارى — مينيسترلىككە قاراستى "ەڭبەكتى قورعاۋ جونىندەگى رەسپۋبليكالىق عىلىمي-زەرتتەۋ ينستيتۋتى" شجق رمك-دا اعا عىلىمي قىزمەتكەر جانە رەتتەۋ ساياساتى سەكتورىنىڭ باسشىسى بولدى.
2023 جىلعى جەلتوقساننان باستاپ قازىرگى ۋاقىتقا دەيىن — ەڭبەك جانە حالىقتى الەۋمەتتىك قورعاۋ مينيسترلىگىنە قاراستى الەۋمەتتىك قامسىزداندىرۋ جانە الەۋمەتتىك ساقتاندىرۋ دەپارتامەنتىنىڭ ديرەكتورى قىزمەتىن اتقاردى.
